ປະຫວັດຄວາມເປັນມາ

1. ປະຫວັດ

ວິທະຍາ​ໄລ​ຄູ​ບ້ານ​ເກິ​ນ​ໄດ້​ຮັບ​ການ​ສ້າງ​ຕັ້ງ​ຂື້ນ​ດ້ວຍ​ການ​ເຕົ້າ​ລວມ​ເອົາ​ໂຮງຮຽນ​ສ້າງ​ຄູ​ຊັ້ນກາງບ້ານ​ເກີນ ​ແລະ ​ໂຮງຮຽນ​ສ້າງ​ຄູ​ຊັ້ນ​ສູງ​ວັງ​ວຽງ​ເຂົ້າກັນເປັນວິທະຍາໄລຄູ​ບ້ານເກິນໃນສົກຮຽນ 1990-1991ຕາມ​ທິດ​ຊີ້​ນຳ​ຂອງ​ກະຊວງ​ສຶກສາ​ທິການ ແລະ ກິລາ.

ການ​ກຳ​ເນີ​ດ

ໂຮງຮຽນ​ສ້າງ​ຄູ​ຊັ້ນ​ກາງ​ບ້ານ​ເກິ​ນ: ໃນ​ເບື້ອງ​ຕົ້ນ​ເອີ້ນ​ວ່າ​ໂຮງຮຽນ​ອົບຮົມ​ຄູ​ທ້ອງ​ຖີ່​ນ ​ໄດ້​ຮັບ​ການ​ສ້າງ​ຕັ້ງ​ຂື້ນຕາມ​ດຳລັດ​ຂອງ​ລັດຖະມົນຕີ​ກະຊວງ​ສຶກສາ​ທິການ​ ສະບັບ​ເລກທີ 393 ລົງ​ວັນ​ທີ 3 ມີ​ຖຸນາ ປີ 1968 ແລະ​ມີ​ການຂະຫຍາຍຕົວ​ມາ​ແຕ່ລະ​ໄລຍະ​ດັ່ງ​ນີ້:

=> ຮັບ​ເອົາ​ຄູ​ມູນ​ມາ​ຮຽນ​ລະບົບ1ປີ ​ເພື່ອ​ໄປ​ເປັນ​ຄູ​ປະຖົມ​ສົມບູນ .
=> ຮັບ​ເອົາ​ນັກຮຽນ​ທີ່​ຈົບ​ມັດທະຍົມ​ຕົ້ນ​ມາ​ຮຽນ​ລະບົບ 1ປີ ​ໄປ​ເປັນ​ຄູ​ສອນ​ປະຖົມ​ສົມບູນ .
=> ຮັບ​ເອົາ​ນັກຮຽນ​ທີ່​ຈົບ​ປະຖົມ​ສົມບູນ​ມາ​ຮຽນ​ລະບົບ 3ປີ ​ເພື່ອ​ໄປ​ເປັນ​ຄູ​ອະນຸບານ ແລະ ປະຖົມ​ສົມບູນສຶກສາ .

ໂຮງຮຽນ​ສ້າງ​ຄູ​ຊັ້ນ​ສູງ​ແຂວງວຽງຈັນ :​ ​ໄດ້​ຮັບ​ການ​ສ້າງ​ຕັ້ງ​ຂື້ນ​ໃນ​ສົກຮຽນ1984-1985ຕາມ​ທິດ​ຊີ້​ນຳ​ຂອງ​ກະຊວງ​ສຶກສາ​ທິການ ແລະ ກິລາ ໃນເບື້ອງຕົ້ນເອີ້ນວ່າ ໂຮງຮຽນສ້າງຄູຊັ້ນກາງເລກ7 ວັງວຽງ

ຈຸດພິເສດ

ວິທະຍາ​ໄລ​ຄູ​ບ້ານ​ເກິ​ນຕັ້ງຢູ່ເຂດ​ບ້ານ​ເກິ​ນ​ເໜືອ,​ເມືອງທຸລະຄົມ​,​ແຂວງ​ວຽງ​ຈັນ, ຫ່າງ​ຈາກ​ນະຄອນຫລວງ​ວຽງ​ຈັນ​ປະມານ70 ກິ​ໂລ​ແມັດ, ມີເນື້ອທີ່ປະມານ 165,699 ຕາແມັດ, ທິດເໜືອຕິດກັບບ້ານປາກກະຍຸງ, ທິດໃຕ້ຕິດກັບບ້ານ ເກິນເເໜືອ ແລະ ມສ ບ້ານເກິນ, ທິດຕາເວັນອອກຕິດກັບທົ່ງນາ ແລະ ບ້ານໂພນຂ່າ, ທິດຕາເວັນຕົກຕິດກັບທົ່ງນາ ແລະ ສາຍນ້ຳງື່ມເຊີ່ງມີຄວາມສະດວກ​ແກ່​ການ​ດຳລົງ​ຊີວິດ​ຂອງ​ພະນັກງານ,ຄູ-ອາຈານ ​ແລະນັກ​ສຶກສາ​ເປັນ​ຢ່າງ​ດີ. ພ້ອມ​ນັ້ນຍັງມີພື້ນຖານ​ໂຄງ​ລ່າງ​ທີ່​ໄດ້​ມາດຖານ​ປະກອບ​ດ້ວຍ ອາຄານ​, ສະຖານ​ທີ່, ​ເດິ່ນກິລາ, ​ຫ້ອງ​ທົດ​ລອງ, ຫ້ອງ​ຟັງສຽງ, ຫ້ອງ​ສະໝຸດ, ​ຫ້ອງ​ເຝິກ​ສອນ, ຫ້ອງ​ຄອມ​ພິວ​ເຕີ້, ​ອິນ​ເຕີ​ເນັດ​, ​ແລະ​ນໍາ​ໃຊ້​ເຄື່ອງ​ເຕັກ​ໂນ​ໂລ​ຊີ​ທີ່​ທັນ​ສະ​ໄໝ​ ເຂົ້າ​ໃນ​ການ​ຮຽນ - ການ​ສອນ. ມີຄູ​ສອນ​ທັງໝົດ 112 ຄົນ ຊັ້ນ​ສູງ 8,03%ປະລິນຍາ​ຕີ 52,67 % ປະລິນຍາ​ໂທ 39,30%ນອກ​ນັ້ນທີ່​ຕັ້ງ​ດັ່ງ​ກ່າວຍັງເປັນເງື່ອນໄຂສະດວກໃນການພົວພັນວຽກງານກັບກະຊວງສຶກສາທິການ ແລະ ກິລາ ຫຼື ກະຊວງອື່ນໆທີ່ກ່ຽວຂ້ອງ.

ເຂດ​ບໍລິການ

ໄລຍະ​ຜ່ານ​ມາ ວິທະຍາ​ໄລ​ຄູ​ບ້ານ​​​ເກິ​ນມີໜ້າ​ທີ່​ກໍ່​ສ້າງ​ຄູ​ໃນ​ຂອບ​ເຂດ​ທີ່​ຮັບຜິດຊອບ 3 ​ແຂວງ​ພາກ​ກາງ​ຄື: ​ແຂວງ​ວຽງ​ຈັນ,ນະຄອນຫຼວງ ​ແລະ ບໍລິ​ຄຳ​ໄຊນອກ​ນັ້ນ​ຍັງ​ຮັບ​ນັກຮຽນທີ່​ມາ​ສອບ​ເສັງ​ໃນທົ່ວ​ປະ​ເທດ.
ປັດຈຸບັນ ມີໜ້າ​ທີ່​ກໍ່​ສ້າງ​ຄູ​ໃນ​ຂອບ​ເຂດ​ທີ່​ຮັບຜິດຊອບ​ຄື: ​ແຂວງ​ວຽງ​ຈັນ ແລະ ແຂວງ​ໄຊ​ສົມບູນ,ພ້ອມທັງ​ເຮັດໜ້າທີ່​ສ້າງ​ຄູ​ຕາມ​ແຜນ​ຂອງກະຊວງ​ສຶກສາ​ທິກ​ານ ​ແລະ ກິລາ,ນອກ​ນັ້ນ​ຍັງ​ໄດ້​ຮັບ​ເອົາ​ນັກຮຽນ​ສອບ​ເສັງ​ເຂົ້າ​ຮຽນ​ທີ່​ມາ ​ຈາກ​ແຂວງ​ຕ່າງໆ​ທົ່ວ​ປະ​ເທດ.
ຄຽງ​ຄູ່​ກັນ​ນັ້ນ​ຍັງ​ເຮັດ​ໜ້າ​ທີ່​ໃນ​ການ​ຍົກ​ລະດັບ​ວິຊາ​ຊີບ​ຄູ​ຊັ້ນ​ກາງ​ສາຍ​ຄູ​ອະນຸ​ບານ ​ແລະ ປະຖົມ ​ໃຫ້​ແກ່​ຄູ​ສາມັນແຂວງ​ວຽງ​ຈັນ, ບໍລິ​ຄຳ​ໄຊ ​ແລະ ​ແຂວງ​ໄຊ​ສົມບູນ ດ້ວຍ​ລະບົບ​ຮຽນ​ແບບ​ຕໍ່​​ເນື່ອງ​​ພັກ​ທ້າຍ​ປີຮຽນ​.
ບົດບາດແມ່ນສ້າງໃຫ້ສະຖາບັນເປັນສູນທີ່ຖືກຍອມຮັບໃນຄວາມເປັນເລີດໃນຂົງເຂດສາຂາວິຊາຊີວະສາດ ແລະ ສາຂາພາສາລາວ ກ້າວເປັນສູນແຫ່ງການພັດທະນາໃນສາຂາວິຊາຄະນິດສາດ ແລະ ພາສາອັງກິດ ຂອງການສ້າງຄູມືອາຊີບ ແຫ່ງ ສປປ ລາວ ນັ້ນກໍ່ຄືກາານຮັບປະກັນນັກສຶກສາທີ່ຈົບອອກໄປ ກາຍເປັນຜູ້ນຳໃນຂົງເຂດວິທະຍາສາດສຶກສາ.

ຜົນງານ

ຕະຫຼອດ​ໄລຍະ​ການເຮັດ​ໜ້າ​ທີ່​ໃນ​ການ​ກໍ່ສ້າງ​ຄູ​​ມາ​ເປັນ​ເວລາ​ອັນ​ຍາວ​ນານ ​ສາມາດ​ສະໜອງ​ຄູ​ໃຫ້​ແກ່​ສັງຄົມ​ໄດ້​ເປັນ​ຈຳນວນ​ຫຼາຍພໍ​ສົມຄວນສະ​ແດງ​ອອກ​ຕົວເລກນັກສຶກສາຄູທີ່ຈົບອອກໄປຮັບໃຊ້ສັງຄົມ ໃນຊ່ວງໄລຍະ10 ປີທີ່ຜ່ານມາ ມີດັ່ງ​ນີ້:

ສົກຮຽນ

ຕົວ​ເລກ​ເສັງ​ຈົບ

ລວມ

ຍິງ

2015 - 2016

848

571

2014 - 2015

1114

664

2013 - 2014

1498

792

2012 - 2013

1193

613

2011 - 2012

1132

604

2010 - 2011

1704

815

2009 - 2010

1383

698

2008 - 2009

1090

521

2007 - 2008

718

385

2006 - 2007

622

312

2005 - 2006

799

415

ລວມ

12,101

6,390