ກົດລະບຽບນັກສຶກສາ ແລະ ລະບຽບຫໍພັກ ວິທະຍາໄລຄູບ້ານເກິນ
ດາວໂຫຼດ

 

ຄຳ​ນຳ

​​         ປຶ້ມຄູ່​ມື​ນັກ​ສຶກສາ​ເຫຼັ້ມນີ້​ໄດ້​ສ້າງ​ຂື້ນ​ໂດຍ​ອິງ​ໃສ່​ຈຸດປະສົງ, ​ເປົ້າໝາຍ ​ແລະວິໄສທັດ​ຂອງ​ວິທະຍາ​ໄລ​ຄູ​ບ້ານ​ເກິ​ນ​ເພື່ອ​ເຮັດ​ໃຫ້​ຄະນະ​ຫ້ອງການ, ຄູ​ອາຈານ​ສັງກັດ​ຫ້ອງການ​ກິດຈະການນັກ​ສຶກສາ ​ແລະ ນັກ​ສຶກສາທຸກ​ຄົນ​ເຫັນ​ໄດ້​ສິດ ​ແລະ ໜ້າທີ່​ຂອງ​ຕົນ ​ແລະເປັນ​ແນວທາງ​ໃນ​ການ​ປະຕິບັດ​ໃຫ້​ຖືກຕ້ອງ​ກັບ​ພາລະ​ບົດບາດ, ໜ້າທີ່ ​ແລະ ລະບຽບວິ​ໄນ​ຂອງ​ນັກ​ສຶກສາ.
        ​ໃນ​ປຶ້ມຄູ່​ມື​ເຫຼັ້ມນີ້​ໄດ້​ບັນຈຸ​ເອົາ​ສິດ ​ແລະ ໜ້າທີ່​ການ​ຄຸ້ມ​ຄອງ​ນັກ​ສຶກສາ, ການ​ຈັດ​ກິດຈະກຳ​ນັກ​ສຶກສາ ​ແລະ ການ​ບໍລິການ​ສຸຂະພາບ​ໃຫ້​ແກ່​ຄູ-ອາຈານ​ພະນັກງານ ​ແລະນັກ​ສຶກສາ, ພ້ອມ​ນັ້ນຍັງ​ບັນຈຸ​ເອົາ​ໂຄງການ​ພັດທະນາ​ວຽກຫ້ອງການ​ກິດຈະການ.
        ນອກຈາກ​ນັ້ນຍັງ​ໄດ້​ບັນຈຸ​ກົດ​ລະບຽບນັກສຶກສາ, ລະບຽບທົ່ວ​ໄປ, ກົດ​ລະບຽບນັກ​ສຶກສານ​ອນ​ໃນ​ຫໍ​ພັກ, ການພົ້ນສິດ​ຈາກ​ນອນ​ໃນ​ຫໍ​ພັກ, ວຽກສະຫັວດດີກາ​ນສັງຄົມ, ກົດ​ລະບຽບນັກ​ສຶກສາທີ່​​ພັກ​ຢູ່​ເຮື​ອນ​ເຊົ່າ, ຄຳ​ສັ່ງ​ແນະນຳ​ການ​ວັດ-ປະ​ເມີນ​ຜົນ ​ແລະ ກົດ​ລະບຽບ​ເພີ່ມ​ເຕີມ​ກ່ຽວກັບ​ການ​ລົງທະບຽນຊ້ຳ. ເພື່ອ​ເຮັດ​ໃຫ້​ນັກ​ສຶກສາ​ໄດ້​ມີ​ໂອກາດ​ສຶກສາ​ປະ​ພືດ​ຕົນ​ໃຫ້​ຖືກຕ້ອງ​ຕາມ​ລະບຽບຂອງ​ວິທະຍາ​ໄລ​ຄູ​ໄດ້​ກຳນົດ​ເພາະ​ການ​ປະຕິບັດ​ລະບຽບວິ​ໄນ​ສະ​ແດງ​ເຖິງ​ການ​ໃຫ້ກຽດສະ​ຖາ​ບັນ​ການ​ສຶກສາ, ​ໃຫ້ກຽດອາຊີບ​ຕົນ​ເອງ ​ແລະ​ໃຫ້ກຽດຄະນະ​ນຳ​ກໍ​ຄື​ຜູ້​ບໍລິຫານ​​ພ້ອມ​ທັງ ​ຄູ - ອາຈານ ​ແລະ​ພະນັກງານ​ໃນ​ສະ​ຖາ​ບັນການ​ສຶກສາ.
       ຫັວງຢ່າງ​ຍິ່ງ​ວ່າ​ປຶ້ມຄູ່​ມື​ສະບັບ​ນີ້ຈະ​ເປັນ​ຜົນ​ປະ​ໂຫຍ​ດ​ແກ່ນັກ​ສຶກສາບໍ່ຫຼາຍກໍໜ້ອຍ ​ແລະ ຂໍ​ຂອບ​ໃຈ​ທຸກ​ທ່ານ​ທີ່​ໄດ້​ປະກອບສ່ວນ ​ແລະ ອຳນວຍ​ຄວາມ​ສະດວກ​ໃຫ້​ແກ່​ການ​ສ້າງ​ປຶ້ມຄູ່​ມື​ນັກ​ສຶກສາ​ໃນ​ຄັ້ງນີ້ດ້ວຍ.

                                        
ວິທະຍາ​ໄລ​ຄູ​ບ້ານ​ເກິ​ນ, ວັນ​ທີ 01 / 09 / 2011

ຄຳ​ເຫັນ​ຂອງ​ຜູ້ອຳນວຍການ

       ຂ້າພະ​ເຈົ້າມີ​ຄວາມ​ຮູ້ສຶກ​ພາກພູມ​ໃຈ​ ແລະ ​ເປັນກຽດອັນ​ສູງ​ສົ່ງ​ທີ່​ໄດ້​ຕາງໜ້າ​ໃຫ້ຄະນະ​ນຳ​ໂຮງຮຽນ, ຄູ​ອາຈານພະນັກງານ​ທົ່ວ​ວິທະຍາ​ໄລ​ຄູ​ບ້ານ​ເກິ​ນ ​ແລະ ພ້ອມ​ກັບ​ບັນດາ​ທ່ານ​ໄດ້​ປະກອບສ່ວນ​ພັດທະນາ​ວຽກງານ​ການ​ສຶກສາ ​ໂດຍ​ສະ​ເພາະ​ໃນ​ຂົງ​ເຂດ​ວຽກງານ​ການ​ສ້າງ​ຄູ
       ຂ້າພະ​ເຈົ້າຂໍ​ສະ​ແດງ​ຄວາມ​ຮູ້​ບຸນຄຸນ​ຢ່າງ​ລົ້ນ​ເຫຼືອຕໍ່ພະນັກງານ​ອາວຸ​ໂສ ຄູ​ອາ​ຈານ​ພະນັກງານ​ບຳນານ​ພໍ່​ແມ່​ປະຊາຊົນ​ຕະຫລອດ​ເຖິງ​ນັກ​ສຶກສາ​ທຸກ​ທົ່ວໜ້າ. ຕະຫລອດໄລຍະ​ຜ່ານ​ມາ​ບັນດາ​ທ່ານ​ໄດ້​ປະກອບສ່ວນ​ຢ່າງ​ຕັ້ງໜ້າ ​ແລະ ຜ່ານ​ຜ່າ​ຂໍ້​ຫຍຸ້ງຍາກ ​ແລະອຸປະສັກ​ຕ່າງໆ​ເຮັດ​ໃຫ້​ວິທະຍາ​ໄລ​ຄູ​ໄດ້​ຮັບ​ການ​ພັດທະນາ ​ແລະ ຂະຫຍາຍຕົວ​ໃນ​ຫຼາຍດ້ານ​ທັງ​ດ້ານ​ປະລິມານ ​ແລະ ຄຸນ​ນະພາ​ບຕະຫລອດ​ມາ. ​ເມື່ອ​ຈຳນວນ​ຄູ​ອາຈານ​ເພີ່ມ​ຂຶ້ນຈຳນວນ​ນັກ​ສຶກສາ​ກໍ​ເພີ່ມ​ຂຶ້ນ ສິ່ງ​ແວດ​ລ້ອມ​ໄດ້​ຮັບ​ການ​ປັບປຸງ​ແລະ​ມາ​ເຖິງ​ສົກຮຽນນີ້​ໄດ້​ເປີດ​ຫຼັກສູດ​ປະລິນຍາ​ຕີ​ສອນ​ຊັ້ມັດທະຍົມ​ປາຍ​ເຊິ່ງສະ​ແດງ​ໃຫ້​ເຫັນວິທະຍາ​ໄລ​ຄູ​ໄດ້​ຍົກຖານະ​ບົດບາດ​ຂອງ​ຕົນ​ໃຫ້​ສູງ​ຂຶ້ນຕື່ມ​ອີກບາດກ້າວໜຶ່ງ
ຮຽນບັນດາ​ທ່ານ​ທີ່​ນັບຖື ​ແລະ ຮັກ​ແພງ ການ​ພັດທະນາ​ການ​ສຶກສາ​ແມ່ນໜ້າທີ່ຂອງໝົດທຸກ​ຄົນ​ທີ່​ຕ້ອງ​ຊ່ວຍ​ກັນ​ໃນ​ການ​ພັດທະນາ​ການ​ສຶກສາ​ຈຶ່ງ​ເຮັດ​ໃຫ້ການ​ພັດທະນາ​ຊັບພະຍາກອນ​ມະນຸດ​ໃຫ້​ມີ​ຄຸນ​ນະພາ​ບ​ເພື່ອ​ເຮັດ​ໃຫ້​ປະ​ເທດ​ຊາດ​ກ້າວ​ໄປ​ເລື່ອຍໆ
      ວິທະຍາ​ໄລ​ຄູ​ບ້ານ​ເກິ​ນມີ​ວິ​ໄສ​ທັດ “ວິທະຍາໄລຄູບ້ານເກິນເປັນສະຖາບັນການສຶກສາທີ່ສົ່ງເສີມການຮຽນຮູ້ຈິງ ພັດທະນາແນວຄິດສ້າງສັນ ມີຄວາມທັນສະ​ໄໝ ສະໜອງການສຶກສາ ການຄົ້ນຄວ້າ ວິໄຈ ບໍລິການວິຊາການທີ່ມີຄຸນນະພາບຕາມມາດຕະຖານ ໃນລະດັບສູງໃຫ້ແກ່ສັງຄົມ ມີຄວາມເປັນເລີດວິຊາ ຊີວະສາດ ແລະ ພາສາລາວ  ເຊື່ອມໂຍງ ກັບພາກພື້ນ ແລະ ສາກົນ” ສະນັ້ນພວກ​ເຮົາ​ຈະ​ໄດ້​ພັດທະນາ​ຄູ​ໄປ​
ຕາມ​ວິ​ໄສ​ທັດ​ດັ່ງກ່າວ​ນີ້
      ຂ້າພະ​ເຈົ້າ ຂໍ​ຮຽກຮ້ອງ​ມາ​ຍັງ​ນັກ​ສຶກສາທຸກໆຄົນ​ຕ້ອງ​ໄດ້​ຕັ້ງຄວາມ​ຫັວງ​ແຫ່ງ​ຜົນສຳ​ເລັດ​ໄປ​ຕາມ​ທິດ​ທາງ​ຂອງ​ວິ​ໄສ​ທັດ​ຄື “ ຄູ​ທັນ​ສະ​ໄໝ​ເພື່ອ​ສັງຄົມ​ລາວ​ໃໝ່ ” ​ແລ້ວກຳ​ນົດທິດ​ທາງ​ເດີນ ຫຼື ​ແຜນ​ປະຕິບັດ​ການ​ຂອງ​ຕົນ​ເອງ​ເພື່ອ​ກ້າວ​ໄປ​ສູ່​ຜົນສຳ​ເລັດ​ຫຼືສິ່ງ​ທີ່ໄຝ່ຝັນ​ຫາ, ​ເຝິກຝົນ​ຄວາມ​ຮູ້​ຄວາມ​ສາມາດ ​ແລະ ທັດສະນະ​ຄະຕິ​ທີ່​ຖືກຕ້ອງ.
ອີກ​ເທື່ອໜຶ່ງ ຂໍ​ຕາງໜ້າ​ໃຫ້​ຄະນະ​ພັກ ຄະນະ​ອຳນວຍ​ການ​ຂໍ​ຮຽກຮ້ອງ​ມາ​ຍັງ​ນັກສຶກສາທຸກໆຄົນ​ຕ້ອງ​ໄດ້​ປະຕິບັດ​ຕົນ​ດັ່ງນີ້:
   1. ຕ້ອງ​ມີ​ແບບ​ແຜນ​ດຳລົງ​ຊີວິດ​ຖືກຕ້ອງ,ຊື່ສັດ,​ນັບຖື​ກົດໝາຍລະບຽບວິ​ໄນ

  1. ຕ້ອງ​ມີ​ຄວາມ​ບຸກໜ້າບືນ​ຕົວ, ມີ​ມານະ​ອົດທົນ​ພາກພຽນພະຍາຍາມ​ມີ​ໄຫວ​ພິກແລະມີ​ຄວາມ​ສະດຸ້​ງ​ໄວ ສູ້​ຊົນ​ຜ່ານ​ຜ່າ​ທຸກ​ຂໍ້​ຫຍຸ້ງຍາກ ອຸປະສັກ​ຕ່າງໆ
  2. ​ເປັນ​ຄົນ​ມີ​ວິ​ໄສ​ທັດ​ກ້ວາງ​ໄກ
  3. ພັດທະນາ​ຕົນ​ເອງ​ທາງ​ດ້ານ​ຄວາມ​ຮູ້​ວິ​ຊາ​ສະ​ເພາະ​ ມີຄວາມ​ສາມາດ​ໃນ​ການ​ສອນ ມີ​ທັດສະນະ​ຄຸນສົມບັດ​ ແລະ​ ມີຫຼັກໝັ້ນດ້ານ​ແນວ​ຄິດ​ການ​ເມືອງ
  4. ​ເປັນ​ຜູ້​ສະ​ແຫວ​ງຫາ​ຄວາມ​ຮູ້ ​ເຮັ່ງ​ຮີບ​ໃນ​ການ​ຮຽນ ​ແລະ ມີ​ຄວາມ​ເຄັ່ງ​ຄັດ ຕໍ່ຕົນ​ເອງ
          ສິ່ງ​ທີ່​ຂ້າພະ​ເຈົ້າກ່າວມານັ້ນ​ເປັນ​ພຽງບາງ​ຄຳ​ເຫັນ​ທີ່​ແນະນຳ​ເທົ່າ​ນັ້ນ ສ່ວນອັນ​ລະອຽດມອບ​ໃຫ້​ພາກສ່ວນ​ທີ່​ກ່ຽວຂ້ອງ​ໄປ​ຜັນ​ຂະຫຍາຍ ​ແລະ ຈັດຕັ້ງປະຕິບັດ ຕາມ​ເງື່ອນ​ໄຂ​ຕົວ​ຈິງ​ຕື່ມ​ອິກ. ​ເພື່ອ​ເຮັດ​ໃຫ້​ສະ​ຖາ​ບັນ​ຂອງ​ພວກ​ເຮົາ​ໄດ້​ພັດທະນາ​ທາງ​ດ້ານ​ປະລິມານ ​ແລະ ຄຸນ​ນະພາ​ບ ​ແລະ ມີ​ທ່າ​ກ້າວ​ໄປ​ເລື້ອຍໆ.
          ສຸດ​ທ້າຍ​ນີ້ ຂໍ​ອ່ວຍ​ພອນ​ໄຊ​ໃຫ້​ແກ່​ທຸກໆທ່ານ​ຈົ່ງ​ມີ​ສຸຂະພາບ​ເຂັ້ມ​ແຂງ, ມີ​ຄວາມສຸກ​ກາຍ​ສະບາຍ​ໃຈ ປະສົບ​ຜົນສຳ​ເລັດ​ທຸກ​ຢ່າງ​ໃນໜ້າທີ່​ວຽກງານ

                                                                                                                                                                                     ວິທະຍາ​ໄລ​ຄູ​ບ້ານ​ເກິ​ນ ວັນ​ທີ 01 / 09 / 2016
                                                                                                                                                                                         ຜູ້ອຳນວຍການ

ໜ້າທີ່​ຮັບຜິດຊອບ​ຂອງ​ພະນັກງານ​ໃນ​ຫ້ອງການ​ກິດຈະການ​

  1. ອາຈານ ບຸນມີ ກອງຈັນສະຫວັດ      ຫົວໜ້າຫ້ອງການ ຮັບຜິດຊອບ​ລວມ,​ເຮັດ​ແຜນການ ​ແລະ ບົດ​ສະຫຼູບ
  2. ອາຈານ ດໍາແກ້ວ ສຸທໍາມະວົງ          ຮອງ​ຫ້ອງການ ຮັບຜິດຊອບ​ຊີ້ນຳ​ວຽກຫໍ​ພັກ ຊີ້ນຳ​ວຽກກິດ​ຈະ​ກຳ​ນັກ​ສຶກສາ

    ໜ່ວຍງານ​ຄຸ້ມ​ຄອງ​ນັກ​ສຶກສາ

  1. ອາຈານ ຄໍາສອນ ແກ້ວເມືອງຊອງ ຫົວໜ້າຄຸ້ມ​ຄອງ​ລະບຽບ
  2. ອາຈານ ລີ​ນດາ ຂຸນ​ພວງ ຮອງ ຮັບຜິດຊອບ​ສະຖິຕິ,ຊ່ວຍ​ວຽກຫົວໜ້າ ​ແລະ ວ່າການ​ແທນ​ຫົວໜ້າກໍລະນີ​ບໍ່ຢູ່
  3. ອາຈານ ຄໍາໂພໄຊ ນວຍລັດ ຊ່ວຍວຽກຄຸ້ມຄອງນັກສຶກສາ

ໜ່ວຍງານ​ບໍລິການ​ນັກ​ສຶກສາ

  1. ອາຈານ ວອນ ສຸ​ລິ​ວົງ   ຫົວໜ້າ ຮັບຜິດຊອບ​ວຽກບໍລິການ​ທັງໝົດ
  2. ອາຈານ ຄຳ​ແພງ ພົມມະ​ວົງສາ    ຮອງ ຮັບຜິດຊອບ​ວຽກທຸ​ລາ​ການ ຊ່ວຍ​ວຽກຫົວໜ້າ ​ແລະ ວ່າການ​ແທນ​ຫົວໜ້າກໍລະນີ​ບໍ່ຢູ່
  3. ນາງ​ແພດ ກີ​ນດາ ອິນ​ທະ​ວົງ  ບໍລິການ​ແລະ​ສົ່ງ​ເສີມ​ສຸຂະພາບ
  4. ນາງ​ແພດ ​ໄກ່​ແກ້ວ ປະ​ເສີດ​ກຸນ   ບໍລິການ​ແລະ​ສົ່ງ​ເສີມ​ສຸຂະພາບ
  5. ນາງ ບູນມີ ວົງ​ພັກດີ ບໍລິການໜຶ້ງ​ເຂົ້າ
  6. ນາງ ວຽງຄໍາ ຈັນທະວົງ  ບໍລິການຈັດແຈງແຈກຕິບເຂົ້ານັກສຶກສາ   

ໜ່ວຍງານ​ຈັດ​ກິດຈະກຳ

  1. ອາຈານ ພົງສະຫສັນ ບົວທອງສົມບັດ ຫົວໜ້າ ຮັບຜິດຊອບ​ວຽກກິດ​ຈະ​ກຳນັກສຶກສາ​ທັງໝົດຂອງ​ໂຮງຮຽນ.
  2. ອາຈານ ຕີ​ດ ຊາ​ມົນຕີ   ຮອງໜ່ວຍງານ
  3. ອາຈານ ຄໍາພຽນ ອຸເທນທໍາ ສົ່ງ​ເສີມ​ສີນ​ລະ​ທຳ​ຈາລິ​ຍະ​ທຳ ​ແລະ ຄຸນສົມບັດ
  4. ອາຈານ ຄໍາໃບ ສຸທໍາມະວົງ
  5. ອາຈານ  ບຸນຍົງ ໄຊຍະແສງ

     ສິດ ​ແລະ ໜ້າທີ່​ຂອງໜ່ວຍງານ
     I. ສິດ ​ແລະ ໜ້າທີ່​ ຫົວໜ້າໜ່ວຍງານ
         1. ຊ່ວຍ​ຄະນະ​ຫ້ອງການ​ໃນ​ການ​ນຳພາ
         2. ປະກອບ​ຄຳ​ຄິດ​ເຫັນ​ຕໍ່ວຽກງານ​ໃນໜ່ວຍງານ​ຕ່າງໆ ​ແລະ ​ໃນ​ຫ້ອງການ
         3. ​ເຂົ້າຮ່ວມ​ປະຊຸມ​ທີ່​ຫ້ອງການ​ກິດຈະການ​ຈັດ​ຂື້ນ
         4. ພິຈາລະນາ​ໂຄງການ​ໃນໜ່ວຍງານ​ຕາມ​ຄວາມ​ເໜາະສົມ
         5. ສະ​ເໜີ​ແບບ​ແຜນ​ວິທີ​ເຮັດ​ວຽກ
         6. ຊ່ວຍ​ຫ້ອງການ​ໃນ​ການ​ແກ້​ໄຂ​ໃນ​ການ​ດຳລົງ​ຊີວິດ
         7. ຄຸ້ມ​ຄອງ ​ແລະ ຊີ້ນຳໜ່ວຍງານ​ທີ່​ຕົນ​ຮັບຜິດຊອບ
         8. ສັງ​ລວມ​ໂຄງການ, ລວບ​ລວມຂໍ້​ມູນ​ແຕ່ລະ​ໂຄງການ​ໃນໜ່ວຍງານ​ຂອງ​ຕົນ
         9. ຕິດຕາມ​ກວດກາ, ຊຸ້ກຍູ້​ການ​ປະຕິບັດ​ໂຄງການ​ໃນໜ່ວຍງານ
         10. ວິ​ເຄາະ, ປະ​ເມີນ​ຜົນ​ແຕ່ລະ​ໂຄງການ, ປັບປຸງ​ແກ້​ໄຂ​ໃຫ້​ທັນ​ເວລາ
         11. ຂຶ້ນ​ແຜນການ​​ເຄື່ອນ​ໄຫວ​ໃນໜ່ວຍງານ
         12. ສະຫຼູບຜົນ​ການ​ເຄື່ອນ​ໄຫວ​ຂອງໜ່ວຍງານ
         13. ຂຶ້ນງົບປະມານ​ປະຈຳ​ປີ​ໃນໜ່ວຍງານ
         14. ສ່ອງ​ແສງ​ລາຍ​ງານ​ໃຫ້​ຫ້ອງການ

 II. ສິດ ​ແລະ ໜ້າທີ່​ຂອງ​ຮອງໜ່ວຍງານ
   
ຊ່ວຍ​ວຽກຫົວໜ້າໜ່ວຍງານ​ຕາມ​ການ​ມອບໝາຍ ​ແລະ ວ່າການ​ແທນ​ໃນ​ກໍລະນີ ຫົວໜ້າໜ່ວຍງານ​ບໍ່ຢູ່

   ໂຄງການ​ພັດທະນາ​ວຽກ​ງານ​ຂອງ​ຫ້ອງການ​ກິດຈະ​ການ
         1. ຊື້ອຸປະກອນ​ຮັບ​ໃຊ້​ຫ້ອງການ​ກິດຈະການ
          2. ປັບປຸງ​​ໂຄງ​ສ້າງ​ການ​ບໍລິຫານ​ວຽກ​ງານ
          3. ປະຊຸມ​ສຳ​ມະ​ນາ ອາຈານ​ຝ່າຍ​ກິດຈະການ​ນັກ​ສຶກສາ
          4.​ ເຕົ້າ​ໂຮມ​ຄະນະ​ນັກ​ສຶກສາ,ຄະນະ​ຫ້ອງ ​ເພື່ອ​ສົ່ງ​ເສີມ​ບຸກຄະ​ລິກພາບ​ແລະຈັດກິດຈະກຳ​ຕ່າງໆ.
          5. ປະຊຸມ​ປະຕິບັດ​ວຽກງານ​ການ​ຂຶ້ນ​ແຜນການ, ​ໂຄງການ
          6. ປະຊາສຳພັນ​ກິດຈະກຳ​ນັກ​ສຶກສາ
          7. ທັດສະນະ​ສຶກສາວຽກງານ​ກິດຈະກຳ​ນັກ​ສຶກສາ

          8. ອົບຮົມ​ວຽກງານ​ຈາລະ​ຈອນ ​ແລະ ສຸຂະ​ອະນາ​ໄມ​ຕ່າງໆ

   ວຽກງານ​ຄະນະ​ຫ້ອງການ
       I. ວຽກທຸລະ​ການ

          1. ຮັບ - ສົ່ງ ​ເອກະສານ​ເຂົ້າ - ອອກ
          2. ພິມ​ດິດ - ຄອມ​ພິວ​ເຕີ
          3. ຮັບ​ແຂກ
          4. ວຽກງານ​ປະຊຸມ

  II.ວຽກ​ໂຄງການ​ກິດຈະກຳ

  1. ສັງ​ລວມ - ວິ​ເຄາະ​ຂໍ້​ມູນ​ຂອງ​ແຕ່ລະ​ໂຄງການ
  2. ຮັບ​ແຜນ​ວຽກ​ແຕ່ລະ​ໂຄງການ
  3. ຕິດຕາມ​ກວດກາ​ການ​ດຳ​ເນີນ​ວຽກງານ​ແຕ່ລະ​ໂຄງການ
  4. ປະ​ເມີນ​ຜົນ​ແຕ່ລະ​ໂຄງການ
  5. ປັບປຸງ, ສືບຕໍ່ ຫຼື ຍົກ​ເລີກ​ບາງ​ໂຄງການ

  III.ວຽກ​ງານ​ພັດສະດຸ - ປະຊາສຳພັນ
      1. ຄຸ້ມຄອງ,​ເບີກ​ຈ່າຍ ​ແລະ ຮັບ​ພັດສະດຸ
      2. ສັງ​ລວມຄວາມ​ຕ້ອງການ​ວັດຖຸ - ອຸປະກອນ​ຮັບ​ໃຊ້
      3. ປະຊາ​ສໍາພັນ​ວຽກ​ງານ​ກິດຈະກຳ ຂອງ​ນັກ​ສຶກສາ ​ແລະ ຂອງ​ວິທະຍາ​ໄລ​ຄູ
      4. ຄຸ້ມ​ຄອງ​ຈຳນວນ​ພົນ​ຂອງ​ນັກ​ສຶກສາ ( ຈັດ​ແບ່ງ​ແຮງ​ງານ )

  IV.ວຽງານ​ການ​ເງຶນ:
       1. ຂຶ້ນ​ແຜນ​ງົບປະມານ​ປະຈຳ​ສົກ​ຮຽນ
       2. ຄຸ້ມຄອງ​ເງິນ​ສົດ
       3.ຮັບ ​ແລະ ຈ່າຍ​ເງິນ​ຂອງ​ແຕ່ລະ​ໂຄງການ
       4.ສະຫຼູບ​ບັນຊີ​ການ​ໃຊ້ ຈ່າຍ​ເງິນ​ຂອງ​ແຕ່ລະ​ໂຄງການ - ໜ່ວຍ​ງານ
       5. ກວດ​ສອບ​ການ​ໃຊ້​ຈ່າຍ​ເງິນ​ແຕ່ລະ​ໂຄງການ - ໜ່ວຍ​ງານ

   ໜ່ວຍ​ຄຸ້ມຄອງ​ນັກ​ສຶກສາ
   I.ວຽກ​ງານ​ຄຸ້ມຄອງ​ນັກ​ສຶກສາ - ລະບຽບ​ວິ​ໃນ:

       1. ສະ​ຖິຕິ​ນັກ​ສຶກສາ.
       2. ສຶກສາ​ອົບຮົມ​ນັກ​ສຶກສາ
       3. ປະຕິບັດ​ວິ​ໄນ - ຍ້ອງຍໍ​ນັກ​ສຶກສາ
       4.ຈັດ​ແບ່ງ​ຫ້ອງ​ສິດ​ເວນ​ປະຈຳ​ອາທິດ

    II. ວຽກ​ງານ​ແນະ​ແນວ - ​ໃຫ້​ຄຳ​ປຶກສາ:
      1. ປະຖົມ​ນິ​ເທດ​ລະບຽບ​ວິ​ໃນ ​ແລະ ການ​ປະຕິບັດ​ຕົນ​ເອງ​ຂອງ​ນັກ​ສຶກສາ
      2.ຈັດ​ທຶນ​ນັກ​ສຶກສາ ( ຈັດ​ຕັ້ງ​ກອງ​ທຶນ​ມຸນ​​ນິທິ )

    III. ວຽກ​ງານ​ສົ່ງ​ເສີມ​ຄຸນ​ນະ​ທຳ - ຈະລິ​ຍະ​ທຳ

  1. ອົບຮົມ​ບຸກຄະ​ລິ​ກະພາບ ​ໃຫ້​ນັກ​ສຶກສາ.
  2. ຝຶກ​ອົບຮົມ​ມາລະຍາດ ສັງຄົມ​ລາວ​ໃຫ້​ແກ່​ນັກ​ສຶກສາ.
  3. ປະ​ກວດ​ມາລະຍາດ​ສັງຄົມລາວ.
  4. ​ເຊີດ​ຊູ​ກຽດ​ສັກ​ສີ​ຂອງ​ນັກ​ສຶກສາ.
  5. ຮ່ວມ​ກິດຈະກຳ​ທາງ​ສາດສະໜາ.
  6. ​ເຂົ້າຮ່ວມ​ກິດຈະກຳ​ຕາມ​ພາກສ່ວນ​ຕ່າງໆ.
  7. ອົບຮົມ​ວຽກ​ງານຈາລະ​ຈອນ ​ແລະ ສຸຂະ​ອານາ​ໄມ​ຕ່າງໆ.

     ໜ່ວຍ​ງານສະຫັວດດີກາ​ນ ​ແລະ ບໍລການ​ນັກ​ສຶກສາ
    I. ວຽກ​ງານບໍລິ​ການ​ຫໍ​ພັກ
     1. ທະບຽນ​ນັກ​ສຶກສາ​ນອນ​ໃນ​ຫໍ​ພັກ.
     2. ຄຸ້ມ​ຄອງ​ນັກ​ສຶກສາ​ພາຍ​ໃນ​ຫໍ​ພັກ.
     3. ພິຈາລະນາ​ຮັບ​ເອົາ​ນັກ​ສຶກສາ​ເຂົ້ານອນ​ໃນ​ຫໍພັກ.
     4. ອານາ​ໄມ​ຄວາມ​ງາມ​ພາຍ​ໃນ​ບໍລິ​ເວນ​ອອ້ມຫໍ​ພັກ.
     5. ກວດກາ​ຄວາມ​ງາມ ຄວາມ​ເປັນ​ລະບຽບ​ຮຽບຮ້ອຍ​ຂອງ​ຫໍ​ພັກ.
     6. ຄຸ້ມ​ຄອງ​ການ​ໃຊ້​ນ້ຳ - ​ໄຟ ຂອງ​ນັກ​ສຶກສາ​ໃນ​ຫໍ​ພັກ.
     7. ບໍລິການ​ບ່ອນ​ພັກ​ເຊົາ ຮັບ​ໃຊ້​ກອງ​ປະຊຸມ​ທີ່​ວິທະຍາ​ໄລ​ຄູ​ໄດ້​ຮັບຜິດຊອບ.
     8. ຊີ້ນຳ​ການ​ສຳ​ຫຼວດປະ​ຈຳ​ອາທິດ.    

    II​. ວຽກ​ງານ​ບໍລິຫານ​ສຸຂະພາບ

  1. ຈັດ​ຫາ​ອຸປະກອນ​ການ​ແພດ.
  2. ຈັດ​ຊື້​ຢາ ຫລື ຂໍ​ຈາກ​ໂຮຽໝໍ​ແຂວງ.
  3. ບໍລິການ​ສຸຂະ​ພາບ.
  4. ຈັດ​ກວດ​ສຸຂະ​ພາບ.
  5. ສັກ​ຢາ​ຕ້ານ​ພະຍາດ​ຕ່າງໆ
  6. ນຳ​ສົ່ງ​ຄົນ​ເຈັບ​ໄປ​ໂຮຽໝໍ.
  7. ຈັດ​ຕັ້ງ​ນັກ​ສຶກສາ​ເບິ່ງ​ແຍງ​ກັນ​ໃນ​ເວລາ​ເຈັບ​ປ່ວຍ​.
  8. ​ແຈ້ງ​ຂ່າວ ​ໃຫ້​ພີ່ນ້ອງ​ຫລື​ຜູ້​ປົກ​ຄອງ​ນັກ​ສື​ກສາ​ທີ່​ເຈັບ​ປ່ວຍ​ຊາບ.
  9. ພັດທະນາ​ສະຖານ​ທີ່ ​ແລະ ສິ່ງ​ແວດ​ລ້ອມ​ໃນ​ວິທະ​ຍາ​ໄລ​ຄູ.
  10. ກວດກາ​ການ​ກິນ​ - ການ​ຢູ່​ພາຍ​ໃນ​ຫໍ​ພັກ​ຂອງ​ນັກ​ສຶກສາ.
  11. ປະຕິບັດ​ສະຫວັດ​ດິການ​ແກ່​ນັກ​ສຶກສາ.

   III​​. ວຽກ​ງານ​ບໍລິການ​ອາຫານ
     1.ລົງ​ທະບຽນ​ນັກ​ສຶກສາ​ທີ່​ກິນ​ເຂົ້າ​ໃນ​ເຮືອນຄົວ​ລວມ
     2.ຈັດ​ຫາ​ອຸປະກອນ​ຮັບ​ໃຊ້
     3.ໜຶ້ງ​ເຂົ້າ - ​ແຈກ​ຢາຍ
     4.ບໍລິການ​ນ້ຳ​ດື່ມ
     5.ບົວລະບັດ​ຮັກສາ​ເຮືອນຄົວ​ລວມ ​ແລະ ຫ້ອງ​ນ້ຳ
     6.ຕິດຕາມ ຫອ້ງສິດ​ເວນ​ໜຶ້ງ​ເຂົ້າ​ໃນ​ວັນພັກ

   II​. ວຽກ​ງານ​ບໍລິຫານ​ສຸຂະພາບ

  1. ຈັດ​ຫາ​ອຸປະກອນ​ການ​ແພດ.
  2. ຈັດ​ຊື້​ຢາ ຫລື ຂໍ​ຈາກ​ໂຮຽໝໍ​ແຂວງ.
  3. ບໍລິການ​ສຸຂະ​ພາບ.
  4. ຈັດ​ກວດ​ສຸຂະ​ພາບ.
  5. ສັກ​ຢາ​ຕ້ານ​ພະຍາດ​ຕ່າງໆ
  6. ນຳ​ສົ່ງ​ຄົນ​ເຈັບ​ໄປ​ໂຮຽໝໍ.
  7. ຈັດ​ຕັ້ງ​ນັກ​ສຶກສາ​ເບິ່ງ​ແຍງ​ກັນ​ໃນ​ເວລາ​ເຈັບ​ປ່ວຍ​.
  8. ​ແຈ້ງ​ຂ່າວ ​ໃຫ້​ພີ່ນ້ອງ​ຫລື​ຜູ້​ປົກ​ຄອງ​ນັກ​ສື​ກສາ​ທີ່​ເຈັບ​ປ່ວຍ​ຊາບ.
  9. ພັດທະນາ​ສະຖານ​ທີ່ ​ແລະ ສິ່ງ​ແວດ​ລ້ອມ​ໃນ​ວິທະ​ຍາ​ໄລ​ຄູ.
  10. ກວດກາ​ການ​ກິນ​ - ການ​ຢູ່​ພາຍ​ໃນ​ຫໍ​ພັກ​ຂອງ​ນັກ​ສຶກສາ.
  11. ປະຕິບັດ​ສະຫວັດ​ດິການ​ແກ່​ນັກ​ສຶກສາ.

   III​​. ວຽກ​ງານ​ບໍລິການ​ອາຫານ
       1.ລົງ​ທະບຽນ​ນັກ​ສຶກສາ​ທີ່​ກິນ​ເຂົ້າ​ໃນ​ເຮືອນຄົວ​ລວມ
       2.ຈັດ​ຫາ​ອຸປະກອນ​ຮັບ​ໃຊ້
       3.ໜຶ້ງ​ເຂົ້າ - ​ແຈກ​ຢາຍ
       4.ບໍລິການ​ນ້ຳ​ດື່ມ
       5.ບົວລະບັດ​ຮັກສາ​ເຮືອນຄົວ​ລວມ ​ແລະ ຫ້ອງ​ນ້ຳ
       6.ຕິດຕາມ ຫອ້ງສິດ​ເວນ​ໜຶ້ງ​ເຂົ້າ​ໃນ​ວັນພັກ

     IV. ກິລາ​ເພື່ອ​ສຸຂະພາບ
​       ແອ​ໂຣບິດ ກາຍຍະ​ບໍລິຫານ​ຍາມ​ເຊົ້າ.
       1.​ແລ່ນ​ມາລາ​ທອນ
​       2.ຍົກ​ນ້ຳ​ໜັກ
       4.ຊັດຫ​ລາວ
       5.ກິລາ​ເພື່​ອການ​ພັກຜ່ອນ ( ດຶງ​ເຊືອກ,​ແລ່ນ​ເປົ໋າ )

    V.ກິລາ​ຊຸມ​ຊົນ​ອ້ອມ​ຂ້າງ
       1. ​ເຊີນ​ທິມນອກ​ເຂົ້າ​ຮ່ວມ​ແຂ່ງຂັນ
       2. ຈັດການ​ແຂ່​ງຂັນ​ກິລາ​ປະ​ເພດ​ຕ່າງໆ​ສຳລັບ​ຊຸມ​ຊົນ​ອ້ອມ​ຂ້າງ.
       3. ບໍລິການສະຖານ​ທີ່​ໃຫ້​ແກ່​ຊຸມ​ຊົນ​ອ້ອມຂ້າງ.

    VI. ວຽກ​ສົ່ງ​ເສີມ​ສິນລະປະ ​ແລະ ວັດທະນາ​ທຳ
       1.ຈັດ​ງານ​ວັນຊາດ.
       2.ຈັດ​ງານ​ວັນ​ຄູ​ແຫ່ງ​ຊາດ.
       3.ຈັດ​ງານປີ​ໃໝ່​ສາກົນ     
       4.ຈັດ​ງານ​ປີ​ໃໝ່​ລາວ.
       5.ອ່ວຍ​ພອນ​ວັນ​ກອງທັບ​ແຫ່ງ​ຊາດ.
       6.ຈັດ​ງານ​ວັນ​ແມ່​ຍິງ​ສາກົນ.
       7.ຈັດ​ງານ​ວັນ​ກຳມະກອນ.
       8.ຈັດ​ງານ​ວັນ​ເດັກ​ສາກົນ.
       9. ຮ່ວມ​ບຸນ​ປະ​ເພນີ​ກັບ​ຊຸມ​ຊົນ.
       10. ກວດ​ສອບ​ສິລະ​ປະ.
       11. ກວດ​ສອບ​ການ​ນຸ່ງ​ຖື

    VII. ວຽກ​ງານ​ພັດທະນາ​ຊຸມ​ຊົນ
       1. ອາສາ​ສະໝັກ​ພັດທະນາ​ທ້ອງ​ຖິ່ນ
       2. ປູກ​ຕົ້ນ​ໄມ້

       3. ອະ​ນຸລັກ​ທຳ​ມະ​ຊາດ ​ແລະ ສະພາບ​ແວດ​ລ້ອມ.
       4. ຕ້ານ​​ໂຣກ​ເອສ໋ ​ແລະ ​ຢາ​ເສບ​ຕິດ​ຕ່າງໆ.

   ວຽກ​ງານ​ຂອງ​ຄະນະນັກ​ສຶກສາ
       1. ຈັດການ​ບໍ​ລິ​ການ​ນັກ​ສຶກສາ​ດ້ານ​ຕ່າງໆ.
       2. ຈັດ​ປ້າຍ​ປະຊາ​​ສຳພັນ​ຂອງ​ນັກ​ສຶກສາ.
       3. ຈັດ​ນິ​ເທດ​ຜົນງານ​ຂອງ​ນັກ​ສຶກສາ.
       4.​ ເຕົ້າ​ລວມຖອດ​ຖອນ​ບົດຮຽນຄະນະ​ຫ້ອງ.
       5. ປະຊຸມ​ວາງ​ແຜນ ​ໂຄງການ​ງົບປະມານ​ຂອງ​ຊຸມ​ລົມ​ຕ່າງໆ.
       6. ປະຊຸມ​ຄະນະ​ນັກ​ສຶກສາ ​ແລະ ຄະນະ​ຫ້ອງ.
       7. ຈັດ​ກິດ​ຈະ​ກຳ​ຫາ​ລາຍ​ໄດ້​ຂອງ​ນັກ​ສຶກສາ.
       8. ຈັດ​ຕັ້ງ ​ແລະ ຄຸ້ມ​ຄອງ​ຊົມ​ລົມ​ຕ່າງໆ.

ກົດລະບຽບ​ຂອງ​ນັກ​ສຶກສາ​ວີ​ທະຍາ​ໄລ​ຄູ
ພາກ​ທີ I


ມາດ​ຕາ I ບຸກຄົນ​ທີ່​ຈະ​ຖືກຮັບ​ເຂົ້າ​ເປັນ​ນັກ​ສຶກສາ​ຂອງ​ວີ​ທະຍາ​ໄລ​ຄູ​ຕ້ອງ​ມີ​ມາດຖານ​ດັ່ງ​ນີ້:
​          1.  ຕ້ອງ​ແມ່ນ​ສັນຊາດ​ລາວຮຽນຈົບ​ວິຊາ​ສະ​ເພາະຊັ້ນກາງ ມໍ 7 ຫຼື ທຽບ​ເທົ່າ.ເປັນ​ຄົນ​ມີ​ນ້ຳ​ໃຈ​ຮັກ​ອາຊີບ​ແພງ​ເດັກມີ​ຄຸນສົມບັດ​ສິນ​ທຳ​ປະຕິວັດ​ດີ ມີ​ສຸຂະພາບ​ສົມບູນ​ດີ.ບໍ່​ມີ​ຄະດີ​ຕ່າງໆ ທີ່​ພົວພັນ​ເຖິງ​ກົດໝາຍ​ບ້ານ​ເມືອງ.ບໍ່​ເປັນ​ຜູ້​ຕິດ​ຢາ​ເສບ​ຕິດ.
ມາດຕາ​ທີ II. ການ​ຮັບ​ເອົາ​ນັກ​ສຶກສາ​ໃໝ່​ແຕ່ລະ​ປີ ​ແມ່ນ​ຮັບ​ຕາມ​ຕົວ​ເລກ​ທີ່​ແບ່ງປັນ​ຂອງກະຊວງ​ສຶກສາ​ທິກາ​ນ.
ມາດຕາ III. ຜູ້​ທີ່​ເຂົ້າສຶກສາ​ຢູ່​ວິທະ​ຍາ​ໄລ​ຄູ ຕ້ອງ​ປະກອບ​ສຳນວນ ​ເອກະສານ​ໃຫ້ຄົບຖ້ວນ.
ມາດຕາ IV.ຜູ້ທີ່​ເຂົ້າ​ສຶກສາ​ຢູ່​ວິທະຍາ​ໄລ​ຄູ ຈະ​ມີ​ມາດ​​ຖານ​ສົມບູນ​ກໍ​ຕໍ່​ເມື່ອຜູ້ກ່ຽວ ​ໄດ້​ລົງ ທະບຽນ​ຢູ່​ວິທະຍາ​ໄລຄູ​ຮຽບຮ້ອຍ​ແລ້ວ​ເທົ່າ​ນັ້ນ.
ມາດຕາ V. ພາຍຫຼັງ​ລົງທະບຽນ​ເປັນ​ນັກ​ສຶກສາ​ວິທະຍາ​ໄລ​ຄູ​ແລ້ວ​ບໍ່​ມີ​ສິດ​ປ່ຽນ​ວິຊາ​ຮຽນອີກ​(​ເວັ້ນ​ເສຍ​ແຕ່​ມີ​ເຫດຜົນ​ພຽງພໍ)
ມາດຕາ VI. ນັກ​ສຶກສາ​ວິທະຍາ​ໄລ​ຄູ​ມີ​ຈຸດປະສົງ​ເຂົ້ານອນ​ໃນ​ຫໍ​ພັກ​ຕ້ອງ​ຂຽນ​ຄຳ​ຮ້ອງ​ເຖິງ​ຄະນະ​ອຳນວຍ​ການ​ໂຮງຮຽນ ​ແລະ ​ໄດ້​ຮັບ​ອານຸຍາດ​ຈາກ​ພາກສ່ວນ​ທີ່​ກ່ຽວຂ້ອງ​ເສຍ​ກ່ອນ.
ມາດ​ຕາ VII. ນັກ​ສຶກສາ​ທີ່​ເຂົ້ານອນ​ໃນ​ຫໍ​ພັກ​ຕ້ອງ​ປະກອບ​ເຄື່ອງນຸ່ງ-ຫົ່ມ, ​ເຄື່ອງ​ນອນ​ແລະ ​ເຄື່ອງ​ໃຊ້​ອັນ​ຈຳ​ເປັນ​ເທົ່າ​ນັ້ນ.
ມາດຕາ XXII. ການ​ຂໍອະນຸຍາດ​ລາ​ພັກ​​ໂດຍ​ໄດ້​ຮັບ​ການ​ອະນຸມັດ​ຈາກ​ການຈັດ​ຕັ້ງ​ກໍ່​ໃຫ້    
ເປັນ​ວັນ​ຂາດ​ຮຽນຂອງ​ຜູ້ກ່ຽວ​ເຊັ່ນ​ດຽວກັນ,​ແຕ່​ເວລາ​ຜ່ານ​ເງື່ອນ​ໄຂ​ສອບ​ເສັງ​ພາກຮຽນ​ໃຫ້​ຄິດໄລ່​ເອົາ​ພຽງ​ເຄິ່ງໜຶ່ງຂອງ​ວັນ​ທີ່​ລາ​ພັກ​ເທົ່າ​ນັ້ນ.
ມາດຕາ XXIII. ​ໃນ​ຊ່ວງ​ໄລຍະ​ລາ​ພັກ​ຜູ້​ໄດ້​ຮັບ​ອະນຸຍາດ​ລາ​ພັກ​ຕ້ອງ​ຮັບຜິດຊອບ​ ບັນຫາ​   ຕ່າງໆທີ່​ເກີດ​ຂຶ້ນ​ດ້ວຍ​ຕົນ​ເອງ.
ມາດ​ຕາ XXIV. ນັກ​ສຶກສາ​ທີ່​ມີ​ຈຸດປະສົງ​ຍົກຍ້າຍ​ບ່ອນ​ຮຽນ​ໄປ​ຢູ່​ວິທະຍາ​ໄລ​ອື່ນຈະ​ ຕ້ອງ​ເຮັດ​ຄຳ​ຮ້ອງ​ເອກະສານ​ໃຫ້​ຄົບ​ຖ້ວນ​ເລິ່ມ​ແຕ່​ທ້າຍ​ປີຮຽນ​ ແລ້ວ​ເຊັນ​ຜ່ານ​ຕາມ​ລຳດັບ.
ມາດຕາ XXV. ນັກ​ສຶກສາ​ທີ່​ຂາດ​ຮຽນກາຍ 3 ວັນ​ຍ້ອນ​​ເຈັບ​ປ່ວຍ​ກະທັນຫັນແລະໄດ້​ຮັບການ​ຢັ້ງຢືນ​ຈາກ​ແພດ​ບໍ່​ໃຫ້​ຖືວ່າ​ເປັນ​ວັນ​ຂາດ​ຮຽນ.
ມາດຕາ XXVI. ນັກສຶກສາທຸກຄົນຕ້ອງໄດ້ຮັບການກວດນ້ຳປັດສະວະເພື່ອຊອກຫາສານເສບຕິດແລະຈ່າຍເງິນຄ່າທຳນຽມການກວດ 15.000 ກີບຕໍ່ຄັ້ງຕໍ່ຄົນ.

ພາກ​ທີ II
ລະບຽບທົ່ວ​ໄປ​ສຳລັບ​ນັກ​ສຶກສາ


ມາດຕາ VIII. ​ໃນ​ເວລາ​ລັດຖະການ ​ແລະ ຕາມ​ສະ​ຖານ​ທີ່​ລັດຖະການ​ຂອງ​ວິທະຍາ​ໄລຄູ, ນັກ​ສຶກສາທຸກ​ຄົນ​ຕ້ອງ​ນຸ່ງ​ເຄື່ອງ​ເປັນ​ລະບຽບຮຽບຮ້ອຍ.
ມາດຕາ IX. ນັກ​ສຶກສາທຸກ​ຄົນ​ທີ່​ເຂົ້າສຶກສາ​ໃນວິທະຍາ​ໄລ​ຄູ​ຕ້ອງ​ນຸ່ງ​ຖື, ​ແຕ່ງ​ກາຍ​ໃຫ້ຖືກຕ້ອງຕາ​ມລະບຽບທີ່​ວິທະຍາ​ໄລ​ຄູ​ໄດ້​ກຳນົດ.
ມາດຕາ X. ນັກ​ສຶກສາ​ຊາຍ​ຕ້ອງ​ຕັດ​ຜົມ​ສັ້ນພໍດີ​ງາມ(ຈອນ​ບາງ, ຫ້າມ​ແບ່ງ​ກາງ​ຫົວ)​ເພດ​ຍິງ​ໃຫ້​ເຮັດ​ຊົງ​ຜົມ​ທໍາ​ມະ​ດາ (ມັດ ຫຼື ​ເປຍ)
ມາດຕາ XI. ນັກ​ສຶກສາທຸກ​ຄົນ​ທີ່​ເຂົ້າສຶກສາ​ໃນ​ວິທະຍາ​ໄລ​ຄູ​ຕ້ອງ​ປະຕິບັດ​ທຸກ​ຂໍ້​ກຳນົດກົດ​ລະບຽບຂອງ​ວິວິທະຍາ​ໄລ​ຄູ.
ມາດຕາ XII. ນັກ​ສຶກສາທຸກ​ຄົນ​ຕ້ອງ​ປະພຶດ​ຕົນ​ເປັນ​ຜູ້​ມີ​ຄຸນສົມບັດ​ດີ,ມີ​ກິລິຍາມາລະ ຍາດດີ, ​ເວົ້າຈາ​ສຸສຸພາບ​ຮຽບຮ້ອຍ, ​ເຄົາລົບ​ນັບຖື​ຜູ້​ທີ່​ສົມຄວນ​ແກ່​ການ​ເຄົາລົບ.
ມາດຕາ XIII. ນັກ​ສຶກສາ​ທຸກຄົນຕ້ອງ​ເຂົ້າ​ຫ້ອງ​ຮຽນກ່ອນ​ຄູ 10 ນາທີ ແລະ​ປະກອບສ່ວນ​ຢ່າງ​ຕັ້ງໜ້າ​ເຂົ້າ​ໃນການ​ຮຽນ - ການ​ສອນຢ່າງ​ຕັ້ງໜ້າ.
ມາດຕາ XIV. ນັກ​ສຶກສາທຸ​ກຄົນ​ຕ້ອງ​ເຂົ້າ​ຮ່ວມ​ກິດ​ຈະ​ກຳທຸກ​ຢ່າງ​ທີ່​ທາງ​​ໂຮງຮຽນຈັດຂື້ນ.
ມາດຕາ XV. ນັກ​ສຶກສາທຸກ​ຄົນ​ມີໜ້າທີ່​ໃນ​ການ​ປົກ​ປັກ​ຮັກສາ​ຊັບ​ສົມບັດ​ສ່ວນ​ລວມ​​ແລະ ສະພາບ​ແວດ​ ລ້ອມ,ຖ້າ​ຜູ້​ໃດ​ທຳລາຍ​ເສຍ​ຫາຍ​ຕ້ອງ​ໄຊ້​ແທນ.
ມາດຕາ XVI: ຂໍ້​ຫ້າມ​ທົ່ວ​ໄປ​ມີ​ດັ່ງ​ນີ້:
          1. ຫ້າມ​ບຸ​ກຄົນ​ກຸ່ມ​ຄົນ​ກະທຳ​ທີ່​ເປັນ​ການລະ​ເມີດ​ຕໍ່​ກົດໝາຍບ້ານ ​ເມືອງ.
          2. ຫ້າມ​ຫລິ້ນ​ການ​ພະນັນ​ທຸກ​ປະ​ເພດ.
          3. ຫ້າມ​ໃຊ້​ສຽງດັງ​ລົບ​ກວນ​ຜູ້​ອື່ນ​ຍາມ​ນອນ​ຕ້ອງ​ມິດ​ງຽບ
          4. ຫ້າມນັກສຶກສາເຂົ້າດື່ມເຫຼົ້າ ຫຼື ຂອງມຶນເມົາໃນສະຖານທີ່ຕ່າງໆ.
          5. ຫ້າມເອົາອາວຸດທຸກປະເພດເຂົ້າມາໃນວິທະຍາໄລຄູ
          6. ຫ້າມບຸກຄົນອື່ນທີ່ບໍ່ແມ່ນຍາດໃກ້ສິດເອົາພາຫະນະມາຮັບສົ່ງໃນບໍລິເວນຫໍພັກ
          7. ຫ້າມນັກສຶກສາແຕ່ງການບໍ່ສຸພາບໃນທີ່ສາທາລະນະ
          8. ຫ້າມຜິດຖຽງກໍ່ການອາລະວາດ ແລະຕີີກັນ
          9. ຫ້າມນັກສຶກສາຍິງ-ຊາຍພົວພັນເພດແບບບໍ່ຖືກຕ້ອງຕາມລະບຽບ ແລະຜິດຮີດຄອງປະເພນີອັນດີງາມຂອງຊາດ.
          10. ຫ້ານນັກສຶກສາຊາຍ-ຍິງເຂົ້າຫໍພັກເພດກົງກັນຂ້າມ ຫຼື ພາກສ່ວນອື່ນ
          11. ຫ້າມຂີດຂຽນໃສ່ສະຖານທີ່ຕ່າງໆ.
          12. ຫ້າມທໍາລາຍໜັງສື ຫຼື ປ້າຍປະກາດຕ່າງໆ
          13. ຫ້າມສ້າງຄວາມເປິເປຶ້ອນໃສ່ສາລະນະຕ່າງໆ
          14. ຫ້າມເສບສິ່ງເສບຕິດຕ່າງໆ
          15. ຫ້າມດື່ມເຫຼົ້າເບຍໃນຫໍພັກ, ເຮືອນເຊົ່າ ແລະ ສະຖານທີ່ຕ່າງໆ
          16. ​ຫ້າມທໍາລາຍຕົ້ນໄມ້ ແລະ ສິ່ງແວດລ້ອມ
          17. ຫ້າມຊັກຊວນ ຫຼື ນໍາເອົາຄົນນອກເຂົ້າມານອນໃນຫໍພັກ

ມາດຕາ XVII. ຄະແນນກິລິຍາມາລະຍາດ ແລະ ການປະພຶດຕ່າງໆຂອງ
ນັກສຶກສາແຕ່ລະຄົນລວມ 250 ຄະແນນ/ສົກຮຽນ, ຖ້າມີນັກສຶກສາຜູ້ໃດ
ກະທຳຜິດຈະຕັດຄະແນນຕາມຕາຕາລາງລຸ່ມນີ້:

ລ/ດ

ການປະພຶດຜິດທີ່ຈະຖືກຕັດຄະແນນ

ຄະແນນທີ່ຕັດ

1

ຈັດຕັ້ງອົງການໃດໜຶ່ງທີ່ບໍ່ໄດ້ຮັບອະນຸຍາດ

250

2

ຈັດຕັ້ງໂຮມຊຸມນຸມໂດຍບໍ່ໄດ້ຮັບອະນຸຍາດ

250

3

ເສບສິ່ງເສບຕິດ, ຂາຍ ຫຼື ມີໄວ້ໃນຄອບຄອງ

250

4

ນຳເອົາອາວຸດເຂົ້າມານາບຄູ່ຜູ້ອື່ນ ຫຼື ມີໄວ້ໃນຄອບຄອງ

250

5

ຍຸຍົງສົ່ງເສີມ ຫຼື ກໍ່ໃຫ້ເກີດຄວາມບໍ່ສະຫງົບ

250

6

ປອມແປງເອກະສານ ແລະ ລາຍເຊັນ

250

7

ເຮັດຄວາມຜິດທີ່ຖືກກ່າວຫາໃນຄະດີອາດຍາ

250

8

ກໍ່ການອາລະວາດ ແລະ ຕີກັນ

250

9

ພົວພັນທາງເພດທີ່ຜິດຕໍ່ຮີດຄອງປະເພນີ(ຢູ່ນຳກັນ 2 ຄົນ)

250

 

10

ທຳລາຍໜັງສື ຫຼື ປ້າຍປະກາດຕ່າງໆ

100

11

ຕົວະຕົ້ມ, ຫຼອກລວງ, ນາບຄູ່ຜູ້ອື່ນ

100

12

ໃຊ້ວາຈາຫຍາບຊ້າຕໍ່ຄູ-ອາຈານ ແລະ ພະນັກງານ

100

13

ຫຼີ້ນການພະນັນທຸກປະເພດ

100

14

ນັກສຶກສາໃຫ້ບຸກຄົນອື່ນທີ່ບໍ່ແມ່ນຍາດພີ່ນ້ອງໃຊ້ພາຫະນະມາຮັບ-ສົ່ງໃນບໍລິເວນຫໍພັກ-ໂຮງຮຽນ

100

15

ທຳລາຍອຸປະກອນ ຫຼື ວັດຖຸສ່ວນລວມ

50

16

ຜິດຖຽງກັນໃຊ້ວາຈາບໍ່ສຸພາບ

50

17

ລ່ວງເກີນສິດທິຂອງຜູ້ອື່ນເຮັດໃຫ້ເສື່ອມເສຍ

50

18

ນຳເອົາຄົນນອກເຂົ້ານອນໃນຫໍພັກໂດຍບໍ່ໄດ້ຮັບອະນຸຍາດ

25

19

ເຂົ້າຫໍພັກເພດກົງກັນຂ້າມໂດຍບໍ່ໄດ້ຮັບອະນຸຍາດ

25

20

ຂາດເຂົ້າຮ່ວມກອງປະຊຸມໃດໜຶ່ງ ຫຼື ກິດຈະກຳໃດໜຶ່ງ

25

21

ສ້າງຄວາມ​ເປິເປື້ອນຕາມສະຖານທີ່ສາທາລະນະ

25

22

ນຸ່ງຖືບໍ່ຖືກຕາມລະບຽບທີ່ກຳນົດໄວ້

25

23

ແຕ່ງກາຍເກີນຂອບເຂດຂອງ​ການເປັນນັກສຶກສາ

25

24

ໃຊ້ສຽງດັງລົບກວນຜູ້ອື່ນໃນຍາມຮຽນ ຫຼື ຍາມຫຼັບນອນ

25

25

ບໍ່ປະຕິບັດໜ້າທີ່ເວນຍາມ ຫຼື ເປັນປະຈຳວັນທີ່ມອບໝາຍ

25

26

ຂາດຮຽນ ຫຼື ຂາດຄົ້ນຄ້ວາໂດຍບໍ່ມີເຫດຜົນ

25

27

ລັກເຄື່ອງຂອງຜູ້ອື່ນ ຫຼື ຂອງສ່ວນລວມ

          ຕາມມູນຄ່າ

28

ນັກສຶກສາແຕ່ງກາຍບໍ່ສຸພາບໃນທີ່ສາທາລະນະ

25

 

ໝາຍເຫດ: ຂັ້ນຕອນການສຶກສາອົບຮົມ, ຕັດຄະແນນ ແລະ ປັບໄໝໃນ 1 ສົກຮຽນ


ລ/ດ

ໄລຍະຄະແນນ

ລະດັບຂັ້ນສຶກສາອົບຮົມ, ຕັດຄະແນນແລະ ປັບ ໄໝ

1

25 – 50

ອາຈານທີ່ປຶກສາແລະຫ້ອງການຕາມສາຍ

2

51 – 150

ໂຮງຮຽນ (ຫ້ອງການກິດຈະການນັກສຶກສາ)

3

151-249

ບໍ່ມີສິດສອບເສັງ

4

250 ຂຶ້ນໄປ

ຄວາມຜິດທຸກກໍລະນີຈະໝົດສິດເປັນນັກສຶກສາຄູ

ພາກ​ທີ III
ວ່າ​ດ້ວຍ​ການພົ້ນສະຖານະ​ພາບ​ເປັນ​ນັກ​ສຶກສາ


ມາດຕາ XIX. ຜູ້​ທີ່​ຖືກ​ໃນ​ກໍລະນີ​ລຸ່ມ​ນີ້ຖື​ວ່າ​ເປັນ​ຜູ້​ພົ້ນຈາກ​ສະຖານະ​ພາບ​ເປັນ​ນັກ​ສຶກສາ
ວິທະຍາ​ໄລ​ຄູ.

  1. ​ໄດ້​ຮັບ​ວຸດ​ທິບັດ​ຈົບ​ວິທະຍາ​ໄລ​ຄູ.
  2. ຮຽນອ່ອນ​ເກີນ​ໄປ​ລະດັບ​ຄະ​ແນ​ນຕໍ່າ​ກ່ວາ 1​​,60 ​ເມື່ອ​ໝົດ​ພາກຮຽນທີ II ຂອງ​ແຕ່ລະ​ປີຮຽນ ຫລື ​ໃຊ້ເວລາ​ຮຽນ​ເກີນ​ກ່ວາ 8 ພາກຮຽນ​ຂອງຫຼັກສູດ3 ປີ.
  3. ກະທຳ​ຄວາມ​ຜິດ​ຖືກ​ໄລ່​ອອກ​ຈາກ​ວິທະຍາ​ໄລ​ຄູ.
  4. ​ເປັນ​ພະຍາດ​ຕິດ​ແປດ​ຫລື ຖືກ​ອຸບັດ​ເຫດ​ເຊິ່ງ​ເປັນ​ອຸປະສັກ​ຕໍ່ອາຊີບ​ຄູ.
  5. ຂໍອອກ​ຈາກ​ວິທະຍາ​ໄລ​ຄູ ​ໂດຍ​ໄດ້​ຮັບ​ອະນຸມັດ
  6. ​ເສຍ​ຊີວິດ

ພາກ​ທີ IV
ວ່າ​ດ້ວຍ​ການ​ເຂົ້າ - ອອກ ​ແລະ ການ​ລາ​ພັກ


ມາດຕາ XX. ນັກ​ສຶກສາ​ຕ້ອງ​ຍື່ນ​ຄຳ​ຮ້ອງ​ຕໍ່ການຈັດຕັ້ງຕາມ​ລຳດັບ ​ເພື່ອ​ຂໍອະນຸຍາດ​ລາພັກ​ການ​ຮຽນ​ໃນ​ກໍລະນີ​ລຸ່ມ​ນີ້:

  1. ​ເຈັບ​ປ່ວຍ​ໂດຍ​ມີ​ການ​ຢັ້ງຢືນ​ຈາກ​ແພດ.
  2. ມີ​ຄວ​າມຈຳ​ເປັນ​ສ່ວນ​ຕົວ​ໂດຍ​ມີ​ເອກະສານ​ຢັ້ງຢືນ​ຈາກ​ຜູ້​ປົກຄອງ ​ແລະ ອຳນາດ​ການ​ປົກຄອງ​ທີ່​ກ່ຽວຂ້ອງ.

ມາດຕາ XXI. ນັກ​ສຶກສາ​ທີ່​ລາ​ພັກ​ໃນ​ຂອບ​ເຂດ 3 ວັນຫ້ອງການ​ກິດຈະການ​ນັກ​ສຶກສາ​ເປັນ​ຜູ້​ອານຸມັດ​​​​, ຖ້າ​ເກີນ 3 ວັນ ​ແມ່ນ​ຜູ້ອຳນວຍການ​​ເປັນ​ຜູ້​ອາ​ນຸມັດ. ພາຍຫຼັງອະນຸມັດ​ແລ້ວ​ຈິ່ງ​ມີ​ສິດ​ພັກ​ຮຽນເມື່ອ​ໝົດ​ກຳນົດ​ລາ​ພັກ​ແລ້ວ​ຕ້ອງ​ນຳ​ເອົາ​ໃບ​ອາ​ນຸຍາດ​ລາ​ພັກ​ສະ​ເໜີ​ຄືນ​ຕໍ່​ພາກສ່ວນ​ທີ່​ກ່ຽວຂ້ອງ​ຂອງ​ໂຮງຮຽນ​ ແຕ່​ການອານຸຍາດ​
ມາດຕາ XXVII. ຖ້ານັກສຶກສາຜູ້ໃດຫາກກວດພົບເຫັນສານເສບຕິດຈະພົ້ນສິດເປັນນັກສຶກສາກົດ​ລະບຽບສະບັບ​ນີ້​ມີ​ຜົນ​ສັກສິດ ​ແລະ ນຳ​ໃຊ້​ໄດ້​ນັບ​ແຕ່​ວັນ​ທີ​ລົງ​ລາຍ​ເຊັນ​ເປັນ​ຕົ້ນ​ໄປ.

                                                ສຳ​ເນົາ​ຖືກຕ້​ອງຕາມ​ສະບັບ​ເດີມ

                                                     ​ເຊັນ ​ແລະ ປະ​ທັບ​ຕາ

                                                     ( ຈັນ​ດີ ພົມມະ​ບຸດ )
                                                      ຮອງ​ຫົວໜ້າກົມ​ສ້າງ​ຄູ

ກົດລະບຽບ​ສຳລັບ​ນັກ​ສຶກສາ​ທີ່​ນອນ​ໃນ​ຫໍ​ພັກ
ພາກ​ທີ I
ວ່າ​ດ້ວຍ​ການ​ຮັບ​ເອົາ​ນັກ​ສຶກສາ​ເຂົ້າ​ນອນ​ໃນ​ຫໍ​ພັກ

ມາດຕາ 1.ນັກ​ສຶກສາ​ທີ່​ເຂົ້າ​ນອນ​ໃນ​ຫໍ​ພັກ​ຕ້ອງ​ມີ​ມາດຖານ​ດັ່ງນີ້:

  1. ຕ້ອງ​ເປັນ​ນັກ​ສຶກສາ​ໃນ​ແຜນ
  2. ນັກ​ສຶກສາ​ບໍ່​ຖືກ​ຕັດ​ຄະ​ແນນ​ກາຍ 100 ຄະ​ແນນ​ຂຶ້ນ​ໄປ.
  3. ຕ້ອງ​ເປັນ​ບຸກຄົນ​ທີ່​ມີ​ຄຸນສົມບັດ​ດີ, ການ​ປະພຶດ​ດີ ​ແລະ​ຮັກສາ​ຄວາມ​ສວຍງາມ.
  4. ນັບຖື ​ແລະ ປະຕິບັດ​ລະບຽບ​ຂອງ​ຫໍ​ພັກ ( ໝາຍ​ເຫດ:ນັກ​ສຶກສານ​ອກ​ແຜນ​ຖ້າ​ກໍ

ລະນີ​ຈຳ​​ເປັນ​ກໍ​ຈະ​ພິຈາລະນາ​ຕາມຄວາມ​ເໝາະ​ສົມ )
ມາ​ດຕາ 2. ນັກ​ສຶກສາ​ທີ່​ເຂົ້ານອນ​ໃນ​ຫໍ​ພັກ​ຕ້ອງ​ປະກອບ​ເອກະສານ​ໃຫ້​ຄົບ​ຖ້ວນ​ເຊັ່ນ:

  1. ​ໃບ​ຄຳ​ຮ້ອງ​ຂໍນອນ​ໃນ​ຫໍ​ພັກ​ຂຽນ​ດ້ວຍ​ຕົນ​ເອງ        1        ສະ​ບັບ
  2. ​ໃບ​ປະຕິຍາ​ນຂຽນ​ດ້ວຍ​ຕົນ​ເອງ                      1        ສະບັບ
  3. ຮູບ​ຂະ​ໜາດ 4 x 6                                1        ​ແຜ່ນ
  4. ຄ່າ​ບຳລຸ​ງຫໍ​ພັກ 50.000 ກີບ ຫຼື ອີງ​ໃສ່​ຕົວ​ຈິງ.

ມາດຕາ 3.ນັກ​ສຶກສາ​ທີ່​ເຂົ້າ​ນອນ​ໃນ​ຫໍ​ພັກ​ຕ້ອງ​ກຽມ​ເຄື່ອ​ງຮັບ​ໃຊ້​ດັ່ງ​ນີ້:

  1. ​ເຄື່ອ​ງນຸງ - ທີ່​ຖືກຕ້ອງຕາ​ມກົດລະບຽບ​ຂອງ​ໂຮຽຮຽນ.2.
  2. ເຄື່ອງ​ໃຊ້​ສ່ວນ​ຕົວ
  3. ​ເຄື່ອງ​ຫົ່ມ - ນອນ (​ເສື່ອ​,ສາດ​,ໝອນ​,ມຸ້ງ ​ແລະ ຜ້າ​ຫົ່ມ)
  4. ອຸປະກອນ​ຮັບ​ໃຊ້ ( ຄຸ,​ໂອ,ພ້າ​… )

ມາດຕາ 4.​ໃນ​ແຕ່ລະ​ສົກຮຽນ​ນັກ​ສຶກສາ​ຜູ້​ໃດ​ທີ່​ມີ​ຈຸດປະສົງ​ຈະ​ເຂົ້າ​ນອນ​ໃນ​ຫໍ​ພັກ​ຕ້ອງ​ປະຕິ​ບັດ​ຕາມ​ມາດຕາ 1,2,3, ທີ່​ກ່າວ​ຂ້າງ​ເທິງ​ນັ້ນ.

ພາກ​ທີ  II
ວ່າ​ດ້ວຍ​ການ​ຈັດ​ຕັ້ງ​ໃນ​ຫໍ​ພັກ

ມາດຕາ 5. ຫໍ​ພັກ​ນຶ່ງ​ຫລັງ​ປະກອບ​ດ້ວຍ​ຄະນະ​ຫໍ​ພັກ ​ໂດຍມີ​ຄູ​ອາຈານ ​ແລະ ນັກ​ສຶກສາປະ​ຈຳ​ຕະຫລອດ 24 ​ໂມງ.
ມາດຕາ 6. ນັກ​ສຶກສາ​ທີ່​ນອນ​ໃນ​ຫໍ​ພັກຕ້ອງ​ຈັດ​ຕັ້ງ​ນອນ​ເປັນ​ຫ້ອງ​ທັງ​ນີ້​ອີງ​ໃສ່ຄວາມ​ສາມາດ​ຂອງ​ຫ້ອງ ​ແລະ ສະພາບ​ຕົວ​ຈິງຂອງ​ການ​ຈັດ​ແບ່ງ.
ມາດ​ຕາ 7. ການ​ຄົ້ນ​ຄ້ວາ​ພາກ​ຄ່ຳ​ອີງ​​ໃສ່ສະພາບ​ຕົວ​ຈິງ​ແລະ ກົດ​ລະບຽບຂອງ​ໂຮຽຮຽນ
ມາດຕາ 8.ການ​ສຳ​ຫລວດ​ກວດກາ ​ແລະ ສ່ອງ​ແສງ ຕ້ອງ​ປະຕິບັດ 1 ຄັ້ງຕໍ່​ເດືອນ.
ມາດຕາ 9. ​ເວລາ​ນອນ 22 ​ໂມງ​ຕ້ອງ​ມິດ​ງຽບ ຕຶ່ນນອນ​ເວລາ 5 ​ໂມງ 30 ນາທີ.
ມາດຕາ 10. ຂໍ້​ຫ້າມທົ່ວ​ໄປ

          1. ຫ້າມ​ນັກ​ສຶກສາ​ເອົາ​ຄົນ​ນອກ​ເຂົ້າ​ມານ​ອນ​ໃນ​ຫໍ​ພັກ
          2. ຫ້າມ​ຫລິ້ນ​ການ​ພະ​ນັນທຸກ​ປະ​ເພດ.
          3. ຫ້າມ​ທ່ຽວ​ຫລິ້ນ​ໃນ​ເວລາ​ກາງ​ຄືນ.
          4. ຫ້າມ​ໃຊ້​ເຕົາ​ໄຟຟ້າ​ເພື່ອ​ຫຸງ​ເຂົ້າ,ຕົ້ມ​ອາຫານ​ໃນ​ຫໍ​ພັກ.
          5.ຫ້າມ​ດື່ມ​ຂອງ​ມຶນ​ເມົາ,​ເສບ​ສິ່ງ​ເສບ​ຕິດ​ຫລື​ມີ​ໄວ້​ໃນ​ຄອບ​ຄອງ.
          6. ຫ້າມ​ນຳ​ເອົາ​ອາວຸດ​ສົງຄາມ​ທຸກ​ຊະ​ນິດ​ເຂົ້າ​ມາ​ໃນ​ຫໍ​ພັກ.
          7.ຫ້າມ​ກໍ່​ການ​ອາ​ລະວາ​ດ ຜິດ​ຖຽງກັນ.
          8. ຫ້າມ​ເຂົ້າ​ຫໍ​ພັກ​ເພດ​ກົງກັນຂ້າມ.
          9. ຫ້າມ​ທຳລາຍ​ໜັງສື, ປ້າຍ​ໂຄສະນາ, ວັດຖຸ​ສ່ວນ​ລວມ.
          10. ຫ້າມ​ລັກ ​ແລະ ທຳລາຍ​ສິ່ງຂອງ​ຜູ້ອື່ນ.
          11. ຫ້າມ​ດັງ​ໄຟ​ຕາມ​ລະບຽງຫໍ​ພັກ.
          12. ຫ້າມ​ຕາກ​ເຄື່ອງ​ຊະຊາຍ​ຕາມ​ລະບຽງ​ຫໍ​ພັກ
          13. ຫ້າມ​ລ້ຽງສັດ​ທຸກປະ​ເພດ​ໃນ​ຂອບ​ເຂດ​ບໍລິ​ເວນ​ຫໍ​ພັກ
          14. ຫ້າມ​ຕິດ​ຮູ​ບພາບ ​ແລະ ຂີດ​ຂຽນ​ໃສ່​ຫໍ​ພັກ
          15. ຫ້າມ​ທຳລາຍ​ຫຼື​ເຮັດ​​ເປື້ອນ​ໃສ່​ຫໍ​ພັກ​ ແລະ​ສະຖານ​ທີ່​ສາທາລະນະ​ຕ່າງໆ
          16.ຫ້າມນຳ​ເອົາ​ວັດ​ຖຸທີ່​ມີຄ່າ​ເກີນ 1.000.000 ກີບ ​ເຂົ້າ​ມາ​ໃນ​ຫໍ​ພັກ.
         

 

 

17. ຫ້າມ​ບົນ​ແຊວ​ເວລາ​ນອນ.   

ຄະ​ແນນ​ການ​ປະພຶດ​ຕ່າງ​ໆຂອງ​ນັກ​ສຶກສາ​ທີ່​ນອນ​ໃນ​ຫໍ​ພັກ​ລວມ 100 ຄະ​ແນນຕໍ່ໜື່ງສົກ​ຮຽນ.ຖ້າ​ມີ​ນັກ​ສຶກສາ​ຜູ້​ໃດ​ຫາກ​ກະທຳ​ຜິດ​ຕໍ່ກົດ​ລະບຽບຫໍ​ພັກ​ຈະ​ຖືກ​ຕັດ​ຄະ​ແນນ​ຕາມ​ຕາຕະລາງ​ລຸ່ມ​ນີ້:

ລ/ດ

ການ​ກະທຳ​ທີ່​ກໍ່​ໃຫ້​ເກີດ​ຄວາມ​ຜິດ

ຄະ​ແນນ​ທີ່​ຖືກ​ຕັດ

1

ທຳລາຍ​ເຄື່ອງ​ຂອງ​ສ່ວນ​ລວມພາຍ​ໃນ​ຫໍ​ພັກ

100 ຄະ​ແນນ

2

ທຳລາຍໜັງສື ຫຼື ປະກາດ​ແຈ້ງການຕ່າງໆ

100 ຄະ​ແນນ

3

ຫລິ້ນ​ການ​ພະນັນ​ທຸກ​ປະ​ເພດ

100 ຄະ​ແນນ

4

​ໃຊ້​ວາຈາ​ຫຍາບຊ້າ​ຕໍ່ຄູ​ອາຈານ

100 ຄະ​ແນນ

5

ລັກ​​ໂລບ​ເອົາ​ຂອງ​ຜູ້​ອື່ນ​ມາ​ເປັນ​ຂອງ​ຕົນ​ເອງ​ມູນ​ຄ່າ6.000ກີບ

100 ຄະ​ແນນ

6

ບໍ່ປະຕິບັດ​ຕາມ​ຄຳ​ສັ່ງ​ຂອງ​ຄະນະ​ຫໍ​ພັກ

50 ຄະ​ແນນ

7

ບໍ່ປະກອບສ່ວນ​ໃນ​ກິດ​ຈະ​ກຳ​ຕ່າງໆທີ່​ທາງ​ຫໍ​ພັກ​ຈັດ​ຂື້ນ

25 ຄະ​ແນນ

8

ບົນ​ແຊວ ລົບ​ກວນ​ຜູ້​ອື່ນ ​ເວລາ​ນອນ

25 ຄະ​ແນນ

9

ຂາດ​ຫໍ​ພັກ​ບໍ່​ມີ​ເຫດຜົນ

25 ຄະ​ແນນ

10

ມີ​ຄວາມ​ຜິດ​ຕາມ​ມາດຕາ 10ຂໍ້,11,12,13,14,15,16,ຂໍ້​ລະ

25 ຄະ​ແນນ

ມາດຕາ 11. ການ​ຕັດ​ຄະ​ແນນ​ນັກ​ສຶກສາ​ທີ່​ເຂົ້າ​ນອນ ​ໃນ​ຫໍ​ພັກ​ຈະ​ເລີ້ມ​ແຕ່​ມື້ລົງ​ທະບຽນ​    ເຂົ້ານອນ​ໃນ​ຫໍ​ພັກ​ເປັນ​ຕົ້ນ​ໄປ.ຖ້າ​ຫາກ​ມີ ນັກ​ສື​ກສາ​ທີ່​ກະທຳ​ຜິດ​ຈະ​ຖືກ​ກ່າ​ວ​ເຕືອນ​ແລະ
ປະ​ຕິ​ບັດ ວິ​ໄນ​ຕາມ​ສະຖານ​ໜັກ​ຫລື​ເບົາ. 25-50 ຄະ​ແນນ ຈະ​ຖືກ​ກ່າວ​ເຕືອນ​ຈາກ​ອາຈານ​ທີ່​ປຶກສາ. 51-75 ຄະ​ແນນ ຈະ​ຖືກ​ກ່າວ​ເຕືອນ​ຈາກ​ຄະນະ​ຫໍພັກ ຫລື ອົງການ​ຈັດຕັ້ງ​ມະຫາຊົນ,76-100 ຄະ​ແນນ ຈະ​ຕ້ອງ​ຖືກ​ ເຕືອນຈາກ​​ໂຮຽຮຽນ ​ແລະ ຖືກ​ໄລ່​ອອກ​ຈາກ​ຫໍ​ພັກ
ມາດຕາ 11. ການ​ຕັດ​ຄະ​ແນນ​ນັກ​ສຶກສາ​ທີ່​ເຂົ້າ​ນອນ ​ໃນ​ຫໍ​ພັກ​ຈະ​ເລີ້ມ​ແຕ່​ມື້ລົງ​ທະບຽນ​    ເຂົ້ານອນ​ໃນ​ຫໍ​ພັກ​ເປັນ​ຕົ້ນ​ໄປ.ຖ້າ​ຫາກ​ມີ ນັກ​ສື​ກສາ​ທີ່​ກະທຳ​ຜິດ​ຈະ​ຖືກ​ກ່າ​ວ​ເຕືອນ​ແລະ
ປະ​ຕິ​ບັດ ວິ​ໄນ​ຕາມ​ສະຖານ​ໜັກ​ຫລື​ເບົາ. 25-50 ຄະ​ແນນ ຈະ​ຖືກ​ກ່າວ​ເຕືອນ​ຈາກ​ອາຈານ​ທີ່​ປຶກສາ. 51-75 ຄະ​ແນນ ຈະ​ຖືກ​ກ່າວ​ເຕືອນ​ຈາກ​ຄະນະ​ຫໍພັກ ຫລື ອົງການ​ຈັດຕັ້ງ​ມະຫາຊົນ,76-100 ຄະ​ແນນ ຈະ​ຕ້ອງ​ຖືກ​ ເຕືອນຈາກ​​ໂຮຽຮຽນ ​ແລະ ຖືກ​ໄລ່​ອອກ​ຈາກ​ຫໍ​ພັກ

ພາກ​ທີ III

   ວ່າ​ດ້ວຍ​ການ​ພົ້ນ​ສະຖານະ​ພາບ​ເປັນ​ນັກ​ສຶກສາ​ທີ່​ນອນ​ໃນ​ຫໍ​ພັກ
ມາດ​ຕາ 12 ນັກ​ສຶກສາ​​ໃນ​ກໍລະນີ​ລຸ່ມ​ນີ້ພົ້ນ​ຈາກ​ຖານະ​ເປັນ​ນັກສຶກສາ​ທີ່​ນອນ​ໃນ​ຫໍ​ພັກ

  1. ກະທຳ​ຜິດ​ລະບຽບ​ຖືກຕັດ​ຄະ​ແນນ​ເຖິງ 76 – 100 ຄະ​ແນນ.
  2. ​ເປັນ​ພະຍາດ​ຕິດ​ແປດ.
  3. ຂໍ​ອອກ​ຈາກ​ຫໍ​ພັກ​​ໂດຍ​ບໍ່​ໄດ້​ຮັບ​ອານຸຍາດ.
  4. ບໍ່​ຈາ​ຍ​ເງິນ​ບໍລິການ,​ເງິນ​ກິດຈະກຳ​ຕ່າງໆ​ຂອງ​ນັກ​ສຶສາ​ພາຍ​ໃນ 3 ​ເດືອນ.
  5. ບໍ່​ຂຽນ​ຄຳ​ຮ້ອງ​ຂໍ​ເຂົ້ານອນ​ໃນ​ຫໍ​ພັກ​ໃນ​ສົກຮຽນ​ຕໍ່​ໄປ.

ມາດຕາ XXIII. ຜູ້​ທີ່​ກະທຳ​ຜິດ​ຕໍ່​ກົດ​ລະບຽບ​ຫໍ​ພັກ ຫຼື ຖືກ​ໄລ່​ອອກ​ຈາກ​ຫໍ​ພັກ​ຈະ​ບໍ່ມີ​ສິດຂຽນ​ຄຳຮ້ອງຂໍຂົ້ານອນ​ໃນ​ຫໍ​ພັກ​ໃນ​ສົກຮຽນ​ຕໍ່​ໄປ​ເວັ້ນ​ເສຍ​ແຕ່​ຜູ້ກ່ຽວ​ຫາກ​ປະພຶດດີ​ສ້າງ​ປະ​​ໂຫຍ​ດ​ແກ່​ສັງຄົມ ກໍ່​ຈະ​ຮັບພິຈາລະນາ ​ໃນ​ທາງ​ທີ່​ເໝາະ​ສົມ.

ພາກ​ທີ່ IV
ວ່າດ້ວຍ​ການ​ຮັກສາ​ຄວາມ​ສະອາດ

ມາດຕາ XIV. ນັກ​ສຶກສາ​ທຸກ​ຄົນ​ຕ້ອງ​ຮັກສາ​ຄວາມ​ສະອາດ​ເຊັ່ນ:ອານາ​ໄມ​ຫ້ອງ​ນອນ, ຫ້ອງ​ນ້ຳ ​ແລະ​ບໍລິ​ເວນ​ເຂດ​ຫໍ​ພັກ​ທີ່​ໄດ້​ຮັບຜິດຊອບ​ໃນ​ທຸກໆ​ວັນ.
ມາດຕາ XV. ການ​ເຂົ້າຫ້ອງ​ນ້ຳທຸກ​ຄັ້ງຕ້ອງ​ໃຊ້​ເຈ້ຍ​ອານ​າໄມ ຫຼື ​ໃຊ້​ນ້ຳລ້າງ.
ມາດຕາ XVI. ວັດຖຸປະກອນ​ຮັບ​ໃຊ້​ສ່ວນ​ຕົວຕ້ອງ​ໝັ່ນ​ທຳ​ຄວາມ​ສະອາດ ​ແລະ ມ້ຽນ​ໃຫ້​ເປັນ​ລະບຽບ.

ພາກ​ທີ V
  ວ່າດ້ວຍ​ການ​ເຂົ້າ - ອອກ​ຫໍ​ພັກ

ມາດຕາXVII ນັກ​ສຶກສາ​ທີ່​ໄດ້​ຮັບ​ອານຸຍາດ​ລາ​ພັກ​ຈາກ​ອາຈານ​ທີ່​ປຶກສາ,ຫ້ອງການ​ກິດຈະການ​ນັກ​ສຶກສາ ​ແລະ ຄະນະ​ອຳນວຍ​ການ​ແລ້ວ ຕ້ອງ​ເອົາ​ໃບ​ລາ​ພັກ​ນັ້ນ​ໄປ​ແຈ້ງຕໍ່​ຄະນະ​ຫໍ​ພັກ​ທິ່ຕົນ​ສັງກັດ​ຢູ່.
ມາດຕາ XVII ການ​ລາ​ພັກ​ແຕ່​ລະ​ຄັ້ງ​ຕ້ອງ​ແຈ້ງ​ບ່ອນ​ທີ່​ຈະ​ໄປ​ພັກ​ເຊົາ​ໃຫ້​ລະອຽດ​ຈະ​ແຈ້ງ
ມາດຕາ XIX ນັກ​ສຶກສາ​ທີ່​ມີ​ຈຸດປະສົງ​ທີ່​ຈະ​ໄປ​ນອນ​ຄ້າງ​ຄືນ ຕ້ອງ​ມີ​ໃບ​ອານຸຍາດ ຈາກການຈັດ​ຕັ້ງ ​ແລະ ມີ​ໃບ​ຢັ້ງ​ຢື້​ນ ຮັບປະກັນ ຈາກ​ບ່ອນ​ທີ່​​ໄປ​ພັກ ​ແລະ ​ແຈ້ງ​ອອກ-​ເຂົ້າ​ນຳ​ຄະນະ​ຫໍ​ພັກຈິ່ງ​ອອກ​ໄປ - ​ເຂົ້າ​ໄດ້.
ມາດ​ຕາ XX ນັກ​ສຶກສາ​ທີ່​ອອກ​ໄປ​ນອນ​ທຸກ​ຄັ້ງ​ຕ້ອງ​ກັບ​ເຂົ້າ​ຫໍ​ພັກ​ທຸກໆ​ຕອນ​ຄ່ຳ​ບໍ່​ໃຫ້​    ກາຍ​ເວລາ 19 ​ໂມງ.
ມາດຕາ XXI ການ​ຂໍ​ອານຸຍາດ​ໄປ​ນອນ​ຂ້າງ​ນອກ​ສູງ​ສຸດ​ບໍ່​ໃຫ້​ກາຍ 2 ຄືນ ​ແລະ ມີ​ສິດຂໍ​ບໍ່​ໃຫ້​ກາຍ 15 ຄັ້ງ​ຕໍ່ 1 ພາກຮຽນ.
ມາດ​ຕາ XXII ນັກ​ສຶກສາ​ທີ່​ນອນ​ໃນ​ຫໍ​ພັກ​ມີ​ຈຸດປະສົງ​ຢາກ​ຂໍ​ອອກ​ນອນ​ນອກ ຕ້ອງ​ຂຽນຄຳ​ຮ້ອງ ​ແລະ ອ້າງ​ເຫດຜົນ ມາ​ຍັງ​ຫ້ອງການ​ກິດຈະ​ການ​ນັກ​ສຶ​ກສາ ​ແຕ່​ການ​ຂໍ​ອານຸມັດ​ນອນ​ນອກ​ແມ່ນ​ທ້າຍ​ອາທິດ IV ຂອງ​ທຸກໆ​ເ​ເດືອ​ນ ( ໝາ​ຍວ່າ​ຕ້ອງຢູ່​ໝົດ​ເດືອ​ນ )

ພາກຮຽນ​ທີ VI
     ວ່າ​ດ້ວຍ​ສະຫວັດດີ​ການ​ສັງຄົມ

ບໍລິການ​ສຸຂະພາບ​ແລະ​ສະຫວັດ​ດີກາ​ນສັງ​ຄົມ​ເພື່​ອຖອນ​ເງິນ​ຄັງ​ສະຫວັດດີ​ການ​ນັກ​ສຶກສາ
ມາດ​ຕາXXIII​ ເວລາ​ນັກ​ສຶກສາ​ເຈັບ​ປ່ວຍ​ຢ່າງ​ກະທັນຫັນ ຕ້ອງ​ແຈ້ງ​ຄະນະ​ຮັບ​ຜິດ​ຊອບຫໍ​ພັກ ​ແລະ ປະຈຳ​ວິທະຍາ​ໄລ​ຄູ​ເພື່ອ​ເບິ່ງ​ແຍງ,ຖ້າ​ກໍລະນີ​ເຈັບ​ໜັກ​ຈິ່ງ​ນຳ​ສົ່ງ
​ໂຮຽໝໍ​ຕາມ​ຄວາມ​ເໝາະ​ສົມ.
ມາດຕາXIV ນັກ​ສຶກສາ​ທີ່​ປິ່​ນປົວ​ຢູ່​ໂຮຽໝໍ​ຂອງ​ລັດ​ຕ້ອງ​ໃຊ້​ຈ່າຍ ​ແລະ ປີ່​ນປົວ​ດ້ວຍ​ຕົນຫລັງ​ຈາກ​ໂຮຽໝໍ​ແລ້ວ ຕ້ອງ​ເອົາ​ໃບ​ຢັ້ງຢືນ​ອອກ​ໂຮຽໝໍ ​ແລະ ​ໃບ​ສັ່ງ​ຢາ​ຈາກ​ແພດ​ແລະ​ໃບຮັບ​ເງິນ​ຈາກ​ຮ້ານ​ຂາຍ​ຢາ​ແລ້ວ​ນຳ​ສະ​ເໜີໜ່ວຍ​ງານ​
ມາດ​ຕາXXV ການ​ເບິ່ງ​ແຍງ​ໃນ​ເວລາ​ນອນ​ໂຮຽໝໍ​ມອບ​ໃຫ້​ຄະນະ​ແພດ​ແລະ​ການຈັດ​ຕັ້ງ
3. ການຈັດ​ທະບຽນ​ນັກ​ສຶກສາ
4. ໃຫ້​ຄຳ​ປຶກສາແກ່​ນັກ​ສຶກສາ​ໃນ​ການ​ດຳລົງ​ຊີວິດ​ຢູ່​ວິທະຍາ​ໄລຄູ.
5. ບໍລິການ​​ໃຫ້​ຄຳປຶກສາ ​ແກ່​ນັກ​ສຶກສາ​ໃນ​ການ​ດຳລົງ​ຊີວິດ​ຢູ່​ເຮືອນ ພັກ​ປະຊາຊົນ.
ມາດ​ຕາ XXVI ກົດ​ລະບຽບ​ສະບັບ​ນີ້​ມີ​ຜົນ​ສັກສິດ​ ​ແລະ ນຳ​ໃຊ້​ໄດ້ ນັບ​ແຕ່​ມື້​ລົງ​ລາຍ​ເຊັນ​ເປັນ​ຕົນ​ໄປ​ທຸກ​ຂໍ້​ກຳນົດ​ທີ່​ຂັດ​ຕໍ່​ກົດ​ລະ​ບຽບສະບັບ​ນີ້​ລ້ວນ​ແຕ່​ຖຶກລົບ​ລ້າງ​ທັງ​ໝົດສຳ​ເນົາ​ຖຶກຕ້ອງຕາ​ມສະບັບ​ເດີມ

                 ກົດ​ລະບຽບນັກ​ສຶກສາ​ທີ່​ພັກ​ເຊົາ​ຕາມ​ເຮືອນ​ເຊົ່າ
- ອິງ​ຕາມ​ຂໍ້​ຕົກລົງ​ກອງ​ປະຊຸມ​ວຽກປ້ອງ​ກັນຊາ​ດປ້ອງ​ກັນ​ຄວາມ​ສະ ຫງົບ​ຢູ່​ ວິທະຍາ​ໄລ​ຄູ​ບ້ານ​ເກິ​ນ ຄັ້ງວັນ​ທີ 5 / 11 / 2007
- ອິງ​ຕາມ​ກົດ​ລະບຽບນັກ​ສຶກສາ​ສະບັບ​ເລກທີ 440 ລົງ​ວັນ​ທີ 12 / 11 / 02
- ອິງ​ຕາມ​ລະບຽບການ​ປົກຄອງ​ຂອງ​ອຳນາດ​ການ​ປົກຄອງ​ບ້ານ​ເກິ​ນ​ເໜືອ ດັ່ງນັ້ນ ກອງ​ປະຊຸມ​ຈຶ່ງ​ຕົກລົງ​ອອກ​ກົດ​ລະບຽບນັກ​ສຶກສາ​​ຕາມ​ເຮືອນ​ເຊົ່າ​ດັ່ງນີ້:
ໝວດທີ I​. ວ່າ​ດ້ວຍ​ສິດ ​ແລະ ໜ້າທີ່​ເຈົ້າຂອງ​ເຮືອນ​ເຊົ່າ
ມາດຕາ 1: ​​ດູ​ແລ ​ແລະ ຮັບຜິດຊອບ​ຕໍ່ພຶດຕິ​ກຳ​ຕ່າງໆຂອງນັກ​ສຶກສາ​ທີ່​ມາ​ພັກເຊົາ
 ມາດຕາ 2: ສຶກສາ​ອົບຮົມ​ນັກ​ສຶກສາ​ທີ່​ມາ​ພັກ​ເຊົາ​ປະຕິບັດ​ລະບຽບກົດໝາຍ, ຮີດຄອງປະ​ເພນີ​ຂອງ​ບ້ານ​ເມືອງ ​ແລະ ທ້ອງ​ຖິ່​ນ
ມາດຕາ 3: ຮັກສາ​ຄວາມ​ເປັນ​ລະບຽບຮຽບຮ້ອຍ ​ແລະ ຄວາມ​ສະອາດ ​ແລະ ສະພາບແວດ​ລ້ອມ​ໃນ​ຂອບ​ເຂດ​ທີ່​ຕົນ​ຮັບຜິດຊອບ​
ໝວດທີ II. ວ່າ​ດ້ວຍ​ສິດ ​ແລະ ໜ້າທີ່​ຂອງ​ນັກ​ສຶກສາ​ທີ່​ພັກ​ເຊົາ​ເຮືອນ​ເຊົ່າ
 ມາດຕາ 4: ​ໄດ້​ຮັບ​ການ​ຄຸ້ມ​ຄອງ​ຈາກ​ອຳນາດ​ການ​ປົກຄອງ​ບ້ານ ​ແລະ ​ເຈົ້າຂອງ​ເຮືອນໃນ​ຖານະ​ເປັນ​ພົນລະ​ເມືອງ​ຂອງ​ບ້ານ
ມາດຕາ 5: ມີໜ້າທີ່​ເຄື່ອນ​ໄຫວ​ວຽກງານ​ຕາມ​ການ​ມອບໝາຍຂອງ​ການຈັດຕັ້ງບ້ານ
ມາດຕາ 6: ຮັກສາ​ຄວາມ​ສະອາດ​ໃນ​ຂອບ​ເຂດ​ທີ່​ຕົນ​ພັກ​ເຊົາ ​ແລະ ປະຕິບັດ​ພັນທະຕໍ່ບ້ານ
ໝວດທີ III. ຂໍ້​ຫ້າມ​ຕ່າງໆສຳລັບ​ນັກ​ສຶກສາ​ທ່ີ່ພັກ​ເຊົາ​ຕາມ​ເຮືອນ​ເຊົ່າ

  1. ຫ້າມ​ນັກ​ສຶກສາ​ທ່ຽວຫຼີ້ນ, ຊຸມ​ແຊວ​ກາຍ 21 ​​ໂມງ 30 ນາທີ
  2. ຫ້າມ​ເສບ​ສິ່ງ​ເສບ​ຕິດ ຫຼື ມີ​ໄວ້​ໃນ​ການ​ຄອບ​ຄອງ
  3. ຫ້າມ​ຫຼີ້ນການ​ພະນັນ​ທຸກ​ປະ​ເພດ
  4. ຫ້າມ​ພົວພັນ​ຊູ້​ສາວ​ແບບ​ບໍ່ຖືກຕ້ອງ
  5. ຫ້າມ​ນຳ​ເອົາ​ຄົນ​ນອກ​ເຂົ້າມານ​ອນ​ໃນ​ເຮືອນ​ເຊົ່າ
  6. ຫ້າມ​ດື່ມ​ເຫຼົ້າ ຫຼື ຂອງ​ມືນ​ເມົາ​ໃນ​ຫໍ​ພັກ ​ແລະ ສົ່ງສຽງລົບ​ກວນ​ຜູ້​ອື່ນ
  7. ຫ້າມ​ໃຊ້​ວາຈາ​ຫຍາບຊ້າ​ຕໍ່ຜູ້​ອື່ນ
  8. ຫ້າມ​ລັກ ​ແລະ ທຳລາຍ​ວັດຖຸ​ສິ່​ງຂອງ​ຄົນ​ອື່ນ
  9. ຫ້າມ​ເຂົ້າຫໍ​ພັກ ຫຼື ​ເຮືອນ​ເຊົ່າ​ເພດ​ກົງກັນຂ້າມ

ໝວດທີ IV ມາດ​ຕະການ​ຕໍ່ຜູ້​ລະ​ເມີດ
ນັກ​ສຶກສາ​ຄົນ​ໃດ​ຫາກ​ກະທຳ​ຜິດ​ຕໍ່ກົດ​ລະບຽບດັ່ງກ່າວ​ຈະ​ຖືກ​ປະຕິບັດ​ວິ​ໄນ​ຕາມ​ກົດ​ລະບຽບທົ່ວ​ໄປ​ຂອງ​ນັກ​ສຶກສາ ​ແລະ ຈະ​ຖືກ​ປະຕິບັດ​ລະບຽບວິ​ໄນ​ຕາມ​ກົດໝາຍບ້ານ​ເມືອງ​ຕາມ​ສະຖານໜັກ-​ເບົາ

ສຳ​ເນົາຖືກຕ້ອງ​ຕາມສະບັບ​ເດີມ

ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ
ສັນຕິພາບ ​ເອກະລາດ ປະຊາທິປະ​ໄຕ ​ເອກະ​ພາບ ວັດທະນາ​ຖາວອນ
ກະຊວງ​ສຶກສາທິການ                                                                                                 ​ເລກທີ 34 / ສສ /2011
ຄຳ​ສັ່ງ​ແນະນຳ

   ​          ເຖິງ​ຫົວໜ້າອຳນວຍ​ການ​ວິທະຍາ​ໄລ​ຄູ ​ແລະ ​ໂຮງຮຽນສ້າງ​ຄູ.
​             ເລື່ອງ:ການ​ລົງທະບຽນ,ການຈັດຕັ້ງສອບ​ເສັງ​ປາຍ​ພາກຮຽນ ​ແລະ ການ​ປະ​ເມີນ​ຜົນ​ການກໍ່ສ້າງ​ຄູ​ລະບົບ 8+3​, ລະບົບ 11+3, ລະບົບ 9+3, ລະບົບ 12+4.
         ອິງ​ຕາມ​ການ​ປະຕິບັດ​ນະ​ໂຍບາຍ​ການ​ສ້າງ​ຄູ​ປະຖົມ​ສຶກສາ ​ແລະ ມັດທະຍົມ​ສຶກສາ​ວາງ​ອອກ ​ເພື່ອ​ເຮັດ​ໃຫ້ການ​ລົງທະບຽນ,ການຈັດຕັ້ງສອບ​ເສັງ ​ແລະ ການ​ປະ​ເມີນ​ຜົນ​ການ​ສຶກສາ​ຕາມ​ລະບົບໜ່ວຍກິດ​ຂອງ​ການກໍ່ສ້າງ​ຄູ​ໃຫ້​ດຳ​ເນີນ​ໄປ​ດ້ວຍ​ດີ ​ແລະ ມີ​ປະສິດທິພາບ​ສູງ. ລັດຖະມົນຕີ​ຈຶ່ງ​ມີ​ຄຳ​ສັ່ງ​ແນະນຳ​ດັ່ງ​ລາຍ​ລະອຽດລຸ່ມ​ນີ້:
I. ວ່າ​ດ້ວຍ​ການ​ລົງທະບຽນລາຍ​ວິຊາ​ຮຽນ
1. ນັກ​ສຶກສາ​ຕ້ອງ​ລົງທະບຽນລາຍ​ວິຊາ​ຮຽນຕາມ​ການ​ຈັດການ​ສອນ​ຢູ່​ວິທະຍາ​ໄລ​ຄູ
2. ວິທະຍາ​ໄລ​ຄູ​ແຕ່ລະ​ແຫ່ງ​ຕ້ອງ​ໃຫ້​ຄຳ​ແນະນຳ​ແກ່​ນັກ​ສຶກສາ​ໃນ​ວິຊາ​ຮຽນເລືອກ
​3. ນັກ​ສຶກສາ​ຕ້ອງ​ຮັບຜິດຊອບ​ຕໍ່ຕົນ​ເອງ​ເມື່ອ​ລົງທະບຽນ​ແລ້ວ​ຈະ​ບໍ່ອະນຸຍາດ​ໃຫ້​
ປ່ຽນສາຍຮຽນ ຫຼື ວິຊາ​ເລືອກ​ໄດ້
4.​ ເງື່ອນ​ໄຂ​ຜູ້​ມີ​ສິດ​ສອບ​ເສັງ​ໃນ​ແຕ່​ລະລາຍ​ວິຊາ​ແຕ່​ລະ​ພາກຮຽນມີ​ດັ່ງນີ້:
- ​ເຂົ້າຮຽນ ​ແລະ ຮ່ວມ​ກິດຈະກຳ​ໃນ​ແຕ່​ລະລາຍ​ວິຊາ​ບໍ່ຫຼຸດ 80% ຂອງ​ເວລາ​
ຮຽນທັງໝົດທີ່​ມີ​ໃນ​ລາຍ​ວິຊາ​ນັ້ນຫຼືກໍລະນີ​ພິ​ເສດ​ກໍ​ບໍ່ໜ້ອຍກ່ວາ 70% ຂອງ​ເວລາ
ຂອງ​ເວລາ​ທັງໝົດ, ຄະ​ແນນ​ຄຸນສົມບັດ​ຕ້ອງ​ບໍ່ຖືກ​ຕັດ​ເກີນ 150 ຄະ​ແນນ ​ແລະ
​ ມີ​ສຸຂະພາບ​ເຂັ້ມ​ແຂງ
II. ວ່າ​ດ້ວຍ​ການ​ປະ​ເມີນ​ຜົນ​ການ​ຮຽນຂອງ​ນັກ​ສຶກສາ​ວິທະຍາ​ໄລ​ຄູ

ການ​ວັດ​ຜົນ​ຕ້ອງ​ເຮັດ​ຕະຫລອດ​ພາກຮຽນ​ໂດຍ​ວິທີ​ການ​ຕ່າງໆ​ ເຊ່ນ:ການ​ຮຽນຮ່ວມ,ການ​ເຄື່ອນ​ໄຫວ​ກິດຈະກຳ, ການ​ສອບ​ຍ່ອຍ, ການ​ລາຍ​ງານ, ການ​ເຮັດ​ວຽກກຸ່ມ, ການ​ສອບ​ກາງ​ພາກ ​ແລະ ການ​ສອບ​ທ້າຍ​ພາກ

III.ສັນຍະລັກ​ທີ່​ເປັນ​ຄ່າ​ລະດັບ​ຄະ​ແນນ​ສະ​ແດງ​ຜົນ​ປະ​ເມີນ 5 ລະດັບ​ຄື:
A ໝາຍ​ວ່າ ຜົນ​ການ​ປະ​ເມີນ​ຂັ້ນດີ​ຫຼາຍ ມີຄ່າ​ລະດັບ​ຄະ​ແນນ​ເທົ່າ 4 ຫຼື 90%ຂື້ນ​ໄປ
B ໝາຍ​ວ່າ ຜົນ​ການ​ປະ​ເມີນ​ຂັ້ນດີ​ ມີຄ່າ​ລະດັບ​ຄະ​ແນນ​ເທົ່າ 3 ຫຼື 75-89%
C ໝາຍ​ວ່າ ຜົນ​ການ​ປະ​ເມີນ​ຂັ້ນປານ​ກາງ ມີຄ່າ​ລະດັບ​ຄະ​ແນນ​ເທົ່າ 2 ຫຼື 60-74%
D ໝາຍ​ວ່າ ຜົນ​ການ​ປະ​ເມີນ​ຂັ້ນອ່ອນ ມີຄ່າ​ລະດັບ​ຄະ​ແນນ​ເທົ່າ 1 ຫຼື 45-59%
F ໝາຍ​ວ່າ ຜົນ​ການ​ປະ​ເມີນ​ຂັ້ນອ່ອນຫຼາຍ ມີຄ່າ​ລະດັບ​ຄະ​ແນນ​ເທົ່າ 0 ຫຼື 44%
 IV.ສັນຍະລັກ​ອື່ນໆມີ​ດັ່ງນີ້:
I ໝາຍ​ວ່າ ​ການ​ປະ​ເມີນ​ຍັງ​ບໍ່ທັນ​ສົມບູນ
W ໝາຍ​ວ່າ ຍົກ​ເລີກ​ວິຊາ​ຮຽນ​ໂດຍ​ໄດ້​ຮັບ​ອະນຸຍາດ
 V.ການ​ໃຊ້​ສັນຍະລັກ​ມີ​ເກນ​ດັ່ງ​ຕໍ່​ໄປ​ນີ້:
1. ການ​ໃຫ້​ຄ່າ​ຄະ​ແນນ 5 ລະດັບ​ໃນ​ລາຍ​ວິຊາ​ທີ່​ລົງທະບຽນຮຽນ ​ແລະ​ນັບໜ່ວຍກິດສຳລັບ​ປະສົບ​ການ​ໃນ​ໂຮງຮຽນ ​ແລະ ຝຶກ​ຫັດ​ສອນ​ກໍ​ໃຊ້ 5 ລະດັບ​ເຊ່ນ​ດຽວກັນ ​ແຕ່​ບໍ່​ໃຫ້​ນັບໜ່ວຍກິດ
2. ການ​ໃຫ້ F ​ແມ່ນ​ກໍລະນີ​ຕໍ່​ໄປ​ນີ້:
-ຂາດ​ການ​ສອບ​ເສັງ​ໂດຍ​ບໍ່​ໄດ້​ຮັບ​ອະນຸຍາດ
-ຜູ້​ບໍ່ມີ​ສິດ​ສອບ​ເສັງ​ຍົກ​ເວັ້ນຜູ້​ຢູ່​ໃນ​ກໍລະນີ​ຈຳ​ເປັນ ​ແລະ ​ໄດ້​ຮັບ​ການ​
ເຫັນ​ດີ​ໃຫ້​ຍົກ​ເລີກ​ວິຊາ​ຮຽນຈາກ​ຄະນະ​ກຳມະການ
-ທຸດຈະລິດ​ໃນ​ເວລາ​ສອບ​ເສັງ
3. ການ​ໃຫ້ I ​ແມ່ນ​ຢູ່​ໃນ​ກໍລະນີ​ຕໍ່​ໄປ​ນີ້:
-ນັກ​ສຶກສາ​ຍັງ​ເຮັດ​ວຽກທີ່​ມອບໝາຍ​ໃຫ້​ບໍ່ທັນ​ສຳ​ເລັດ​ເມື່ອ​ສີ້ນພາກຮຽນ​ແລ້ວ​ຍ້ອນ​ເຫດຜົນ​ໃດໜຶ່ງຊຶ່ງ​ຢູ່​ໃນ​ການ​ພິຈາລະນາ​ຂອງ​ຜູ້​ສອນ
-ມາ​ຮຽນຄົບ​ຕາມ​ເງື່ອນ​ໄຂ​ແຕ່​ບໍ່​ໄດ້​ສອບ​ເສັງ​ເພາະ​ປ່ວຍ​ຫຼືມີ​ເຫດ​ສຸດ​ວິໄສ​ແຕ່​ຕ້ອງ​ໄດ້​ຮັບ​ການ​ອະນຸມັດ​ຈາກ​ຫ້ອງການ​ສົ່ງ​ເສີມ​ວິຊາ​ການ
-ການ​ປ່ຽນ I ມາ​ເປັນ​ຄ່າ​ລະດັບ​ຄະ​ແນນ​ຕ້ອງ​ໃຫ້​ສຳ​ເລັດ​ໃນ​
ພາກຮຽນຖັດ​ໄປ

ການ​ໃຫ້ W ​ແມ່ນ​ຢູ່​ໃນ​ກໍລະນີ​ຕໍ່​ໄປ​ນີ້:
ນັກ​ສຶກສາ​ຂໍ​ຍົກ​ເລີກ​ວິຊາ​ຮຽນ​ແຕ່​ຕ້ອງ​ເຫັນ​ດີ​ຈາກ​ຄູ​ຜູ້​ສອນ ​ແລະ ​ຕ້ອງ​ສະ​ເໜີກ່ອນ
ຢ່າງ​ຊ້າ 1 ອາທິດ​ກ່ອນ​ການ​ສອບ​ປາຍ​ພາກເມື່ອ​ນັກ​ສຶກສາ​ຍົກ​ເລີກ​ວິຊາ​ຮຽນ​ແລ້ວ​ຕ້ອງ​ໄດ້​ລົງທະບຽນຮຽນຊ້ຳ​ໃນ​ປີ​ຖັດ​ໄປ ວິຊາ​ທີ່​ຍົກ​ເລີກ​ນັ້ນບໍ່ນັບໜ່ວຍກິດ
          5. ຄ່າ​ຄະ​ແນນ​ທີ່​ສອບ​ໄດ້​ໃນ​ແຕ່​ລະວິ​ຊາ​ໃຫ້​ຖືກ​ຕາມ​ເກນ​ດັ່ງນີ້:
  - ຄ່າ​ລະດັບ​ຄະ​​ແນນ​ທີ່​ສອບ​ໄດ້​ຕ້ອງ​ບໍ່ຕໍ່າກ່ວາ D ສ່ວນ​ໃນ​ລາຍ​ວິຊາ​ປະສົບ​ການ​ແລະ​ຝຶກ​ຫັດ​ສອນ​ຕ້ອງ​ບໍ່ຕໍ່າ​ກ່ວາ C
  - ຖ້າ​ນັກ​ສຶກສາ​ຜູ້​ໃດ​ສອບ​ໄດ້ F ຖື​ວ່າ​ສອບ​ຕົກ​ແລະ​ຕ້ອງ​ລົງທະບຽນຊ້ຳ​ໃນ​ສົກຮຽນຖັດ ​ແລະ ການ​ລົງທະບຽນບໍ່​ໃຫ້​ກາຍ 1 ຄັ້ງ ວິຊາ​ປະສົບ​ການ​ແລະ​ຝຶກ​ຫັດ​ສອນ​ກໍ​ໃຫ້​ປະຕິບັດ​ເຊ່ນ​ດຽວກັນ
          6. ການ​ຫາ​ຄ່າ​ລະດັບ​ຄະ​ແນນ​ສະ​ເລ່ຍປະຈຳ​ພາກ​ໃຫ້​ຄິດ​ໄລ່​ສະ​ເພາະ​ວິຊາ​ທີ່​ມີ​ການ​ປະ​ເມີນ​ເທົ່າ​ນັ້ນ​ໂດຍ​ເອົາຜົນ​ຄູນ​ຂອງໜ່ວຍກິດ​ກັບ​ຄ່າ​ລະດັບ​ຄະ​ແນນ​ຂອງ​ແຕ່​ລະລາຍ​ວິຊາ​ທີ່​ປະ​ເມີນ​ໃນ​ພາກຮຽນນັ້ນລວມກັນຫາ​ນ​ໃຫ້​ຜົນ​ລວມຂອງໜ່ວຍກິດ.            ຍົກ​ເວັ້ນລາຍ​ວິຊາ​ທີ່​ມີ​ຜົນ​ການ​ຮຽນ “ I ” ຈຶ່ງ​ນຳ​ມາ​ຄິດ​ໄລ່​ເຂົ້າຕາມ​ພາຍຫຼັງ
          7. ການ​ພິຈາລະນາ​ການ​ຮຽນຄົບ​ຕາມ​ຫຼັກສູດມີ​ເກນ​ດັ່ງ​ຕໍ່​ໄປ​ນີ້:
          - ໜ່ວຍກິດ​ທີ່​ຮຽນຕ້ອງ​ຄົບ​ຕາມ​ຫຼັກສູດ​ທີ່​ກຳນົດ​ໄວ້
          - ມີ​ການ​ປະ​ພຶດ​ດີ
          - ສອບ​ໄດ້​ລາຍ​ວິຊາ​ຕ່າງໆຄົບ​ຕາມ​ຈຳນວນໜ່ວຍກິດ​ທີ່​ກຳນົດ​ໄວ້​ໃນ​ຫຼັກສູດ
          - ​ໄດ້​ຄ່າ​ລະດັບ​ຄະ​ແນນ​ສະ​ເລ່ຍສະ​ສົມບໍ່ຕໍ່າ​ກ່ວາ 2.00
          - ບໍ່ຕິດ​ຄ້າງ​ຄ່າ​ຄະ​ແນນ F ​ແລະ​ສອບ​ໄດ້​ຕາມ​ເກນ​ທີ່​ກຳນົດ​ໄວ້
          8. ນັກ​ສຶກສາ​ໃນ​ເກນ​ຂໍ້​ໃດໜຶ່ງຕໍ່​ໄປ​ນີ້ຖື​ວ່າ​ພົ້ນຈາກ​ການ​ເປັນ​ນັກ​ສຶກສາ
          - ນັກ​ສຶກສາ​ທີ່​ໄດ້​ຄະ​ແນນ​ຕໍ່າ​ກ່ວາ 2.00 ​ເມື່ອໝົດພາກຮຽນທີ 2 ຂອງ​ການ​ຮຽນນັບ​ແຕ່​ເລີ່​ມຕົ້ນ​ເຂົ້າຮຽນ
          -ນັກ​ສຶກສາ​ຮຽນຄົບ 8 ພາກຮຽນ​ໃນ​ກໍລະນີ​ຫຼັກສູດ 2 ປີ ແລະ 4 ປີ
          -ນັກ​ສຶກສາບໍ່ຜ່ານ​ປະສົບ​ການ​ແລ​ະ​ເຝິກ​ຫັດ​ວິຊາ​ຊີບ​ຄັ້ງທີ 2
           (ໝາຍ​ເຫດ​ສຳລັບ​ຄຳ​ສັ່ງ​ແນະນຳ​ໄດ້​ຄັດ​ເລືອກ​ເອົາ​ສະ​ເພາະ​ທີ່​ຕິດ​ພັນ​ກັບ​ນັກ​ສຶກສາ)

ກົດລະບຽບເພີ່ມເຕີມ
ອີງໃສ່: ຄໍາສັງແນະນໍາເລກທີ 258/ສສ.ສຄ/2010, ນະຄອນຫຼວງວຽງຈັນລົງ
ວັນທີ 26ມີນາ 2010
ອີງໃສ່: ການຄົ້ນຄ້ວາເຫັນຂອງສະພາວິຊາການຄັ້ງວັນທີ 02/06/2011
ມາດຕາ 1: ວ່າດ້ວຍການລົງທະບຽນຊໍ້າ
          1. ນັກສຶກສາຄູປີທີ 1,2,3
1.1 ການລົງທະບຽນ D ແລະ D+ ມີດັ່ງນີ້:
- ຖ້າໄດ້ D ແລະ D+ ເຖິງ 3 ວິຊາເລືອກລົງໄດ້ 1 ວິຊາ
-  ຖ້າໄດ້ D ແລະD+ ເຖິງ 4 ວິຊາເທົ່າກັບ F 1 ຕົວ ເລືອກລົງໄດ 2 ວິຊາ
-  ຖ້າໄດ້ D ແລະD+ ເຖິງ 5 ວິຊາສາມາດເລືອກລົງໄດ້ 3 ວິຊາ
-  ຖ້າໄດ້ D ແລະD+ ເຖິງ 6 ວິຊາຂຶ້ນໄປແມ່ນຄ້າງຫ້ອງໃນ 1 ສົກຮຽນ
2. ນັກສຶກສາຄູປີສຸດທ້າຍທຸກລະບົບ
- ນັກສຶກສາທີ່ມີເງື່ອນໄຂລົງທະບຽນ ຕ້ອງໄດ້ຄະແນນ F
- ນັກສຶກສາທີ່ມີເງື່ອນໄຂລົງທະບຽນ ຕ້ອງໄດ້ຄະແນນ D ແລະ D+ ໃນກໍລະນີທີ່ຄະແນນສະສົມບໍ່ເຖິງເກນຄາດໝາຍ ຕາມຄໍາສັງແນະນໍາສະບັບເລກທີ 258/ສສ.ສຄ2010, ນະ
ຄອນຫຼວງວຽງຈັນ, ລົງວັນທີ 26 ມີນາ 2010
3. ການລົງທະບຽນ ມີດັ່ງນີ້:
- F ຜິດລະບຽບວິໄນການສອບເສັງໃນ 3 ວິຊາຂຶ້ນໄປໃນ 1 ສົກຮຽນແມ່ນຄ້າງຫ້ອງ.
- F ຮຽນອ່ອນ 4 ວິຊາຂຶ້ນໄປ ໃນ 1 ສົກຮຽນແມ່ນຄ້າງຫ້ອງ
- F ຂາດຮ່ວມຮຽນ 3 ວິຊາໃນ 1 ສົກຮຽນແມ່ນຄ້າງຫ້ອງ